محسن نقوی کا وزیراعلیٰ کے زیر استعمال 4 دفاتر بند کرنے کا اعلان

4 دفاتر قائم کرنا قومی وسائل کا ضیاع ہے، ملک ایسی شاہ خرچیوں کا متحمل نہیں ہو سکتا، نگران وزیر اعلیٰ

جمعرات 26 جنوری 2023 21:54

محسن نقوی کا وزیراعلیٰ کے زیر استعمال 4 دفاتر بند کرنے کا اعلان

لاہور (اُردو پوائنٹ اخبارتازہ ترین - آن لائن۔ 26 جنوری2023ء) نگران وزیراعلیٰ پنجاب محسن نقوی نے وزیراعلیٰ کے زیر استعمال 4 دفاتر کو بند کرنے کا اعلان کر دیا۔

(جاری ہے)

نگران وزیراعلیٰ پنجاب 90 شاہراہ قائداعظم، سول سیکرٹریٹ، پنجاب اسمبلی اور ارفع کریم ٹیکنالوجی پارک میں قائم وزیراعلیٰ کے لئے مختص دفاتر استعمال نہیں کریں گے، یہ دفاتر آئندہ کے لئے بند کئے جا رہے ہیں، ان چاروں دفاتر کے سٹاف کو دیگر سرکاری امور کی انجام دہی پر معمور کیا جائے گا، کسی دفاتر کے سرکاری ملازم کو ملازمت سے نہیں نکالا جائے گا۔

نگران وزیراعلیٰ محسن نقوی نے کہا ہے کہ وزیراعلیٰ کے لئے 4 دفاتر قائم کرنا قومی وسائل کے ضیاع کے مترادف ہے، پاکستان جیسا ملک ایسی شاہ خرچیوں کا متحمل نہیں ہو سکتا، ہم نے سرکاری اخراجات کو کنٹرول کرنا ہے اور بچت کرنی ہے۔