فلم’ پٹھان‘ کو 22 مارچ سے پاکستانی بھی دیکھ سکیں گے

’’پٹھان‘‘ اپنی ریلیز کے بعد ہندی سینما کی سب سے زیادہ کمائی والی فلم بن گئی

پیر 20 مارچ 2023 12:09

فلم’ پٹھان‘ کو 22 مارچ سے پاکستانی بھی دیکھ سکیں گے

اسلام آباد(اُردو پوائنٹ اخبارتازہ ترین - این این آئی۔ 20 مارچ2023ء) بالی وڈ کنگ شاہ رخ خان اور دیپیکا پڈوکون کی بلاک بسٹر فلم’ پٹھان‘ کو 22 مارچ سے پاکستانی بھی دیکھ سکیں گے۔فلم او ٹی پی پلیٹ فارم ایمازون پرائم ویڈیو پر دستیاب ہوگی اور اس میں فلم کے ڈیلیٹڈ مناظر بھی شامل ہوں گے۔

(جاری ہے)

’پٹھان‘ کے ڈائریکٹر سدھارتھ آنند نے انکشاف کیا ہے کہ فلم میں وہ مناظر بھی شامل ہوں گے جن کو سینما ریلیز کے موقع پر نکال دیا گیا تھا۔

سدھارتھ نے اپنے انٹرویو میں یہ عندیہ بھی دیا ہے کہ فلم کی ڈیجیٹل ریلیز میں مرکزی کردار کی بیک اسٹوری اور مذہب کو بھی بتایا جائے گا۔واضح رہے کہ’ ’پٹھان‘‘ اپنی ریلیز کے بعد ہندی سینما کی سب سے زیادہ کمائی والی فلم بن گئی ہے اور اس نے اب تک ایک ہزار کروڑ انڈین روپے سے زائد کا بزنس کرلیا ہے۔