ہیپی برتھ ڈے سلطان، وسیم اکرم 57 سال کے ہوگئے

شنیرا اکرم نے شوہر، وسیم اکرم کی فیملی کے ہمراہ متعدد تصویریں شیئر کر کے مبارکباد دی

ہفتہ 3 جون 2023 17:31

ہیپی برتھ ڈے سلطان، وسیم اکرم 57 سال کے ہوگئے

لاہور (اُردو پوائنٹ اخبارتازہ ترین - این این آئی۔ 03 جون2023ء) قومی کرکٹ ٹیم کے سابق لیجنڈری کھلاڑی، کرکٹر وسیم اکرم کی اہلیہ شنیرا نے انہیں خوبصورت انداز میں سالگرہ کی مبارکباد دی ہے۔وسیم اکرم 57سال کے ہو گئے ہیں۔ہیومن رائٹس ایکٹیوسٹ شنیرا اکرم نے شوہر، وسیم اکرم کی فیملی کے ہمراہ متعدد تصویریں سوشل میڈیا انسٹاگرام پر شیئر کی ہیں۔

(جاری ہے)

شنیرا کا سوئنگ کے سلطان وسیم اکرم کو سالگرہ کی مبارکباد دیتے ہوئے لکھنا ہے کہ آپ ہماری دنیا ہیں، ہم بہت سے مراحل سے گزر چکے ہیں اور مل کر اس دنیا کا مقابلہ کرتے رہیں گے، آپ ہمارا سب کچھ ہیں اور ہم آپ سے پہلے سے بھی بہت زیادہ پیار کرتے ہیں۔

انہوں نے وسیم اکرم کی تعریف میں کچھ الفاظ تحریر کیے جیسے شوہر، تین بچوں کا باپ، لاکھوں کا بھائی اور قوم کا ہیرو۔ساتھ ہی شنیرا نے لکھا آج آپ کا بہترین دن ہے جس کے آپ مستحق ہیں۔41سالہ شنیرا اکرم کا اپنی پوسٹ میں لکھنا ہے کہ اور اگر آج کوئی اِنہیں لندن میں دیکھے تو چِلا کر ہیپی برتھ ڈے سلطان ضرور کہیں۔انہوں نے 2013 میں شنیرا سے شادی کی تھی، اس جوڑی کی ایک بیٹی بھی ہے جبکہ پہلی اہلیہ سے ان کے دو بچے ہیں۔