پاک سعودی بحریہ کی عرب خلیج میں مشترکہ بحری مشقیں جاری

آج پی این ایس سیف پر تقریب منعقد ،کمانڈنگ آفیسر کموڈور عتیق الرحمان بریفنگ دیں گے

اتوار 10 ستمبر 2023 15:10

ْ ریاض (اُردو پوائنٹ اخبارتازہ ترین - این این آئی۔ 10 ستمبر2023ء) سعودی عرب میں عرب خلیج کے گہرے سمندر میں پاکستان اور سعودی بحریہ کی مشترکہ بحری مشقیں جاری ہیں۔

(جاری ہے)

غیرملکی خبررساں ادارے کے مطابق سعودی عرب کے علاقے الجبیل کے خلیج فارس سمندر میں جاری البحر 14 نامی بحری مشقوں میں پاک اور سعودی بحریہ ملکر فوجی مشقیں جاری رکھے ہوئے ہیں، جس میں سمندری حدود کی نگہبانی سمیت خشکی پر وار زون میں لڑائی کے مراحل شامل ہیں۔سوموار11 ستمبر کو پی این ایس سیف پر تقریب منعقد ہوگی، جس میں پاک سعودی بحری مشقوں کے حوالے سیکمانڈنگ آفیسر کموڈور عتیق الرحمان بریفنگ دیں گے۔اس کے علاوہ تقریب میں سعودی عرب میں پاکستان کے سفیر احمد فاروق اور دیگر اہم شخصیات بھی شریک ہوں گی۔