مردان ، محکمہ ایکسائز کی کارروائی، 8400 گرام چرس برآمد ، ملزم گرفتار

ہفتہ 23 ستمبر 2023 13:56

پشاور (اُردو پوائنٹ اخبارتازہ ترین - اے پی پی۔ 23 ستمبر2023ء) مردان میں محکمہ ایکسائز نے منشیات سمگلنگ کی کوشش ناکام بناتے ہوئے 8400 گرام چرس برآمد کرکے ملزم کو گرفتار کر لیا۔

(جاری ہے)

محکمہ ایکسائز خیبر پختونخوا کے ترجمان کے مطابق تھانہ ایکسائز مردان نے منشیات کے خلاف ایک اور بڑی کارروائی کرتے ہوئے بھاری مقدار میں منشیات سمگلنگ کی کوشش ناکام بنادی۔ کارروائی کے دوران چمتار چوک میں موٹر کار سے دوران تلاشی 8400 گرام چرس برآمد کرلی گئیں جبکہ ملزم وارث ولد خان وزیر ساکن خزینہ بانڈہ ہنگو کو موقع پر گرفتار کرلیا گیا۔ترجمان کے مطابق مزید تفتیش اور قانونی کارروائی کیلئے تھانہ ایکسائز مردان ریجن میں مقدمہ درج کیا گیا۔