ندا یاسر نے فیشن انڈسٹری میں بطور ڈیزائنر قدم رکھ دیا

بدھ 22 نومبر 2023 19:50

کراچی (اُردو پوائنٹ اخبارتازہ ترین - این این آئی۔ 22 نومبر2023ء) ماڈلنگ، اداکاری و میزبانی کے بعد ندا یاسر نے فیشن انڈسٹری میں بطور ڈیزائنر قدم رکھ دیا ،تعلیم مکمل کرنے کیساتھ ہی اپنا کپڑوں کا برانڈ بھی لانچ کر دیا۔انسٹا گرام پر ندا یاسر نے سٹوری شیئر کرتے ہوئے فیشن ڈیزائنگ کا کورس مکمل کرنے بارے فالوورز کو آگاہ کیا ۔

(جاری ہے)

انسٹا اسٹوری میں انہیں فیشن ڈیزائنر عدنان پردیسی سے فیشن ڈیزائنگ کا کورس مکمل کرنے پر سرٹیفکیٹ وصول کرتے ہوئے دیکھا جا سکتا ہے۔

انسٹا اسٹوری میں انہوں نے اس خاص موقع پر سفید رنگ کی شرٹ پر ہلکے نیلے رنگ کا کوٹ اور سیاہ پینٹ زیب تن کر رکھا ہے۔ ندا یاسر کی جانب سے سوشل میڈیا پر شیئر سرٹیفکیٹ کے مطابق ان کا مذکورہ کورس 3ماہ کا تھا جو ستمبر تا نومبر 2023 (8ہفتوں)تک جاری رہا، جس میں انہوں نے ایک بہترین اسٹوڈنٹ کی طرح پرفارم کیا۔انہوں نے 8ہفتوں کی ورک شاپ مکمل کرنے کے ساتھ ہی اپنا برانڈ وائی ندا کلاتھنگ کے نام سے لانچ کر دیا ہے۔