ڈکیتی میں مزاحمت پرڈاکووں کی فائرنگ سے شہری زخمی، مقدمہ درج

جمعرات 30 نومبر 2023 12:16

مظفرگڑھ (اُردو پوائنٹ اخبارتازہ ترین - اے پی پی۔ 30 نومبر2023ء) مظفرگڑھ میں ڈکیتی کے دوران مزاحمت پر مسلح ڈاکو ؤں کی فائرنگ سے شہری زخمی ہو گیا جبکہ ڈاکو فرار ہونے میں کامیاب ہو گئے ہیں ، پولیس نے مقدمہ درج کر لیا ہے ۔

(جاری ہے)

ریسکیو کنٹرول روم مظفرگڑھ کے مطابق مظفرگڑھ علی پور روڈ پر وسندے والی کے قریب دو نامعلوم مسلح ڈاکو ؤں نے روہیلانوالی کے رہائشی 32 سالہ زیشان ولد ریاض حسین کو گن پوائنٹ پر لوٹنے کی کوشش کی اور شہری کی مزاحمت پر اسے گولی مار کر زخمی کر دیا اور موقع سے فرار ہو گئے۔

ریسکیو سٹاف نے موقع پر پہنچ کر زخمی شخص کو موقع پر ابتدائی طبی امداد فراہم کرنےکے بعد ڈسٹرکٹ ہیڈ کوارٹر ہسپتال مظفرگڑھ منتقل کردیا ۔پولیس تھانہ روہیلانوالی نے زخمی شہری کے بیان پر ضابطے کی کاروائی شروع کر دی ہے۔\378