موثر حکمت عملی کے ثمرات، آلودہ ترین شہروں میں لاہور7 ویں نمبر پر آگیا

منگل 5 دسمبر 2023 18:04

لاہور (اُردو پوائنٹ اخبارتازہ ترین - این این آئی۔ 05 دسمبر2023ء) سموگ کے حوالے سے پنجاب حکومت کی موثر حکمت عملی کے باعث شہر کی فضائی آلودگی میں نمایاں کمی واقع ہوئی ،لاہور آلودہ ترین شہروں کی فہرست میں 7ویں نمبر پر آگیا ۔ تفصیلات کے مطابق پنجاب حکومت کی موثر حکمت عملی کے سبب شہر کی فضائی آلودگی میں نمایاں کمی ہوئی ہے،شہر میں سموگ کی شدت میں بھی کمی آنے لگی۔

دنیا میں فضائی آلودگی کے اعتبار سے لاہور 7ویں نمبر پر آ گیا۔

(جاری ہے)

فیز 8ڈی ایچ اے میں آلودگی کی شرح 247ریکارڈ،جوہر ٹائون میں آلودگی کی شرح202،ایچی سن کالج 190،شاہراہ قائداعظم میں شرح 267ریکارڈ کی گئی۔ہوا میں خنکی کا احساس بڑھنے سے درجہ حرارت میں نمایاں کمی،شہر کا موجودہ درجہ حرارت 12ڈگری سینٹی گریڈ ریکارڈ کیا گیا۔محکمہ موسمیات کے مطابق ہوا میں نمی کا تناسب 95فیصد ریکارڈ کیا گیا،آئندہ 24گھنٹوں کے دوران بارش کا کوئی امکان نہیں۔دوسری جانب کراچی میں بھی فضائی آلودگی میں کمی دیکھی گئی اور اب کراچی دنیا کے آلودہ ترین شہروں کی فہرست میں نویں نمبر پر آگیا ۔