ملائشیا میں تیسرا ، دو روزہ پاکستان ریمٹ سمٹ شروع

سمٹ سے پاکستانی معروف بینکس کے نمائندگان نے اوورسیز پاکستانیوں کو رقوم کے قانونی چینل سے ترسیل پہ آگاہی دی

محمد وقار خان جمعرات 7 دسمبر 2023 09:15

ملائشیا میں تیسرا ، دو روزہ پاکستان ریمٹ سمٹ شروع

کوالالمپور(اُردوپوائنٹ اخبارتازہ ترین۔7دسمبر۔2023ء) اوورسیز پاکستانی ، مادر وطن کی معیشت کو سہارا دینے کے لیے ریڑھ کی ہڈی کی حیثیت رکھتے ہیں ، اگر اوورسیز پاکستانی اپنے گھروں کو قانونی طریقے سے ریمیٹنس بھجوائیں تو ملکی بینکوں کی سرکولیشن میں ایک خطیر رقم کا اضافہ ہوسکتا ہے ۔ اوورسیز پاکستانی اور تارکین وطن کی ، وطن عزیز کیلیے خدمات اور قربانیوں کو خراج تحسین پیش کرنے ، ان کی حوصلہ افزائی اور ، بیرون ملک سے پاکستان رقم کی ترسیل کے قانونی طریقہ کار کو مزید بہتر بنانے کیلئے دو روزہ ، Third Pakistan Remittance Summit کا اغاز ہو گیا ہے ، آئی پی جی گروپ ، سٹیٹ بینک آف پاکستان ، میزان بینک ، یو بی ایل ، این بی پی ۔

بنک الحبیب۔ حبیب بنک ۔ الائیڈ بینک اور پاکستان کے دیگر کئی معروف بینکوں اور مالیاتی اداروں کے اشتراک سے منعقد کیے جانے والے " پاکستان ریمیٹنس سمٹ" کے پلیٹ فارم سے ، بیرون ملک مقیم پاکستانیوں کو ، پاکستان میں آسان اور فوری رقم کی ترسیل کے لیے مستند قانونی اور قابل اعتبار چینلز اور طریقہ کار پر تفصیلی آگاہی دی جائے گی ، اس بین الاقوامی سمٹ کا افتتاح ، ملائشیا میں پاکستانی ہائی کمشنر سید احسن رضا شاہ نے کیا ، تقریب کا اغاز تلاوت قران پاک اور دعا سے کیا گیا ، دو روزہ بین الاقوامی ریمیٹنس سمٹ میں ، پاکستان کے معروف بینکس اور مالیاتی اداروں سے وابستہ اہم شخصیات جن میں ، ہیڈ آف پاکستان ریمیٹنس انیشیٹو ، ذوالفقار علی کھوکھر ، وزارت خزانہ پاکستان کی ڈپٹی سیکرٹری امنہ شبیر ، پاکستان کے معروف بینکوں اور مالیاتی اداروں کے اعلی عہدے داران ،ملیشیا پاکستان بزنس کونسل کے چیئرمین داتو سری نذیر میر اسلام ، جنرل سیکرٹری مال پاک محمد سلیم ، معروف بزنس مین محمد سلیم بلوچ ۔

(جاری ہے)

محمد اسلم ۔ توکے منیر ۔ ملک فاروق احمد ، چوہدری عثمان کے علاوہ ملائشیا میں مقیم پاکستانی کمیونٹی ، کاروباری شخصیات ، نیز مقامی اور بین الاقوامی صحافیوں کی کثیر تعداد نے شرکت کی ، افتتاحی تقریب میں ، پاکستانی ثقافت کو اجاگر کرنے اور وطن سے اظہار یکجہتی کے لیے ، سکول کے ننھے بچوں نے ، ملی نغموں پر خوبصورت ٹیبلو پیش کیا ،

اس موقع پر تارکین وطن اور میڈیا سے خصوصی گفتگو کرتے ہوئے ، تقریب کے مہمان خصوصی پاکستانی ہائی کمشنر سید احسن رضا شاہ , Head of Pakistan Remittance Initiative ، ذوالفقار علی کھوکھر ، میزان بینک کے گلوبل ہیڈ ، Home Remittance and NRP رضوان حیدر ، ڈائریکٹر ایکسچینج پالیسی ڈیپارٹمنٹ ، سٹیٹ بینک آف پاکستان ڈاکٹر آصف علی نے ، تھرڈ پاکستان ریمٹ سمٹ ، کے حوالے سے خصوصی گفتگو کرتے ہوئے ، پاکستانی معیشت پر ہونے والے دیرپا اثرات پہ روشنی ڈالی ، تیسرے دو روزہ پاکستان ریمٹ سمٹ کا دوسرا اور آخری روز ، پاکستانی مالیاتی اداروں ، معروف بینکوں ، ریمیٹنس ایجنسیز ، اور ملائشیا کے مقامی بینکوں اور مالیاتی اداروں کے سربراہان کے مابین مذاکرات کا ایک اہم سنگ میل ہوگا ، جس میں مقامی اور پاکستانی بینکس اور ریمٹ ایجنسیز کے درمیان ایم او یوز سائن ہوں گے ،اور ملائشیا میں مقیم پاکستانی کمیونٹی ، اور کاروباری شخصیات کی پاکستان میں رقوم کی ترسیل کے طریقہ کار کو مزید مؤثر ، آسان اور سود مند بنانے کے لیے اہم اقدامات کا اعادہ کیا جائے گا ۔