سرجیکل مصنوعات کی برآمدات میں چار ماہ کے دوران 3.51 فیصد اضافہ

جمعرات 7 دسمبر 2023 13:48

اسلام آباد (اُردو پوائنٹ اخبارتازہ ترین - اے پی پی۔ 07 دسمبر2023ء) ملک سے سرجیکل مصنوعات کی برآمدات میں جاری مالی سال کے دوران سالانہ بنیادوں پراضافہ ریکارڈکیاگیاہے۔

(جاری ہے)

سٹیٹ بینک کی جانب سے اس حوالہ سے جاری اعدادوشمارکے مطابق جاری مالی سال کے پہلے چارماہ (جولائی تا اکتوبر2023 ) تک کی مدت میں سرجیکل مصنوعات کی برآمدات سے ملک کو151.70 ملین ڈالرکازرمبادلہ حاصل ہواجوگزشتہ مالی سال کی اسی مدت کے مقابلہ میں 3.51 فیصدزیادہ ہے، گزشتہ مالی سال کی اسی مدت میں سرجیکل مصنوعات کی برآمدات سے ملک کو146.56 ملین ڈالرکازرمبادلہ حاصل ہواتھا۔

اکتوبرمیں سرجیکل مصنوعات کی برآمدات کاحجم 43.72 ملین ڈالرریکارڈکیاگیا جوستمبرمیں 36.34 ملین ڈالر اورگزشتہ سال اکتوبرمیں 36.15 ملین ڈالرتھا، مالی سال 2023 میں سرجیکل مصنوعات کی برآمدات کامجموعی حجم 454.85 ملین ڈالرریکارڈکیاگیاتھا۔