زیرگردش کرنسی، زروسیع اوربینکوں کے ڈیپازٹس میں ہفتہ واربنیاد پرکمی ہوئی،سٹیٹ بینک

بدھ 7 مئی 2025 17:38

اسلام آباد (اُردو پوائنٹ اخبارتازہ ترین - اے پی پی۔ 07 مئی2025ء) سٹیٹ بینک نے کہا ہے کہ زیرگردش کرنسی، زروسیع اوربینکوں کے ڈیپازٹس میں ہفتہ واربنیاد پرکمی ریکارڈکی گئی ۔بینک کے مطابق 25اپریل کوختم ہونے والے ہفتے میں زیرگردش کرنسی کاحجم 10068ارب روپے ریکارڈکیا گیا جوپیوستہ ہفتے کے مقابلے میں 0.8فیصدکم ہے،پیوستہ ہفتے زیرگردش کرنسی کاحجم 10146ارب روپے ریکارڈکیاگیاتھا۔

(جاری ہے)

جاری مالی سال کے آغازسے اب تک زیرگردش کرنسی کے حجم میں مجموعی طورپر10فیصداضافہ ہوا۔ اعدادوشمارکے مطابق 25اپریل کوختم ہونے والے ہفتے زروسیع (ایم ٹو) کاحجم 36998ارب روپے ریکارڈکیاگیا جوپیوستہ ہفتے کے مقابلے میں 0.2فیصدکم ہے۔جاری مالی سال کے آغازسے اب تک زروسیع میں مجموعی طورپر3.1فیصدکی نموہوئی ۔ اعدادوشمارکے مطابق 25اپریل کوختم ہونے والے ہفتے بینکوں کے کھاتوں کاحجم 26878ارب روپے ریکارڈکیاگیا جوپیوستہ ہفتے کے 26893ارب روپے کے مقابلے میں 0.1فیصدکم ہے۔ جاری مالی سال کے آغازسے اب تک بینکوں کے ڈیپازٹس میں مجموعی طورپر0.8فیصداضافہ ہواہے۔\932

Facebook Twitter Google + Share on Whatsapp

زیرگردش کرنسی، زروسیع اوربینکوں کے ڈیپازٹس میں ہفتہ واربنیاد پرکمی ہوئی،سٹیٹ بینک

مزید تجارتی خبریں