میزان بینک کا فری لانسرز کو ٹیکس کی سہولت فراہم کرنے کیلئے بی فائلرکے ساتھ معاہدہ

جمعرات 7 دسمبر 2023 17:47

کراچی(اُردو پوائنٹ اخبارتازہ ترین - این این آئی۔ 07 دسمبر2023ء) پاکستان کے معروف اسلامی بینک میزان بینک نے فری لانسرزکیلئے دستیاب ٹیکس سہولت کی خدمات کو بڑھانے کیلئے بی فائلر (Befiler)کے ساتھ ایک معاہدے پر دستخط کیے ہیں۔ اس شراکت داری کا مقصد ڈیجی فری لانسرز صارفین سمیت میزان فری لانسرز اکائونٹ ہولڈرز کوبی فائلر کی ٹیکس سے متعلق خدمات رعائتی قیمت پر فراہم کرنا ہے۔

اس شراکت داری کے ذریعے بی فائلر میزان فری لانسر اکائونٹ ہولڈرز کیلئے اسٹریم لائن اور موئثرٹیکس خدمات کو یقینی بنائے گی۔ بی فائلر ایف بی آر کے ساتھ این ٹی این رجسٹریشن سے لے کر ماہانہ سیلز ٹیکس ریٹرن فائل جیسی خدمات فراہم کرتی ہے۔ س سلسلے میں میزان بینک کے ہیڈ آفس میں منعقدہ تقریب میں میزان بینک کے گروپ ایگزیکٹو آپریشنز اینڈ برانچ بینکنگ ضیا ء الحسن اور بی فائلر کے بانی اور چیف ایگزیکٹو آفیسر اکبر تیجانی نے معاہدے پر دستخط کیے۔

(جاری ہے)

بی فائلر کی طرف سے ٹیکس سے متعلق خدمات رعائتی قیمت پر حاصل کرنے کیلئے ، میزان فری لانسر اکائونٹ ہولڈرز اور میزان ڈیجی فری لانسر اکائونٹ ہولڈرز کو میزان بینک کی طرف سے ایک تعارفی ای میل یا ایس ایم ایس موصول ہوگا۔ اس کمیونیکیشن میں تمام ضروری تفصیلات کے ساتھ ڈسکائونٹ حاصل کرنے کیلئے ایک منفرد پروموکوڈ بھی شامل ہوگا۔اس موقع پر میزان بینک کے گروپ ایگزیکٹو آپریشنز اینڈ برانچ بینکنگ ضیا ء الحسن نے کہاکہ بی فائلر کے ساتھ میزان بینک کی شراکت داری اپنے صارفین کی منفرد ضروریات کو پورا کرتی ہے، فری لانسنگ کے شعبہ میں افراد کو بااختیار بناتی ہے اور ترقی اور مالیاتی خوشحالی کو فروغ دیتی ہے۔

Facebook Twitter Google + Share on Whatsapp

میزان بینک کا فری لانسرز کو ٹیکس کی سہولت فراہم کرنے کیلئے بی فائلرکے ساتھ معاہدہ

متعلقہ عنوان :

مزید تجارتی خبریں