میزان بینک کا فری لانسرز کو ٹیکس کی سہولت فراہم کرنے کیلئے بی فائلر کے ساتھ معاہدہ

جمعرات 7 دسمبر 2023 18:14

کراچی (اُردو پوائنٹ اخبارتازہ ترین - اے پی پی۔ 07 دسمبر2023ء) میزان بینک نے فری لانسرزکیلئے دستیاب ٹیکس سہولت کی خدمات کو بڑھانے کیلئے بی فائلرکے ساتھ ایک معاہدے پر دستخط کیے ہیں۔جمعرات کو کئے جانے والی شراکت داری کا مقصدڈیجی فری لانسرز صارفین سمیت میزان فری لانسرز اکائونٹ ہولڈرز کوبی فائلر کی ٹیکس سے متعلق خدمات رعائتی قیمت پر فراہم کرنا ہے۔

اس شراکت داری کے ذریعے بی فائلر میزان فری لانسر اکائونٹ ہولڈرز کیلئے اسٹریم لائن اور موئثرٹیکس خدمات کو یقینی بنائے گی۔ بی فائلر ایف بی آر کے ساتھ این ٹی این رجسٹریشن سے لے کر ماہانہ سیلز ٹیکس ریٹرن فائل جیسی خدمات فراہم کرتی ہے۔اس سلسلے میں میزان بینک کے ہیڈ آفس میں منعقدہ تقریب میں میزان بینک کے گروپ ایگزیکٹو آپریشنز اینڈ برانچ بینکنگ ضیا ء الحسن اور بی فائلر کے بانی اور چیف ایگزیکٹو آفیسر اکبر تیجانی نے معاہدے پر دستخط کیے۔

(جاری ہے)

بی فائلر کی طرف سے ٹیکس سے متعلق خدمات رعائتی قیمت پر حاصل کرنے کیلئے ، میزان فری لانسر اکائونٹ ہولڈرز اور میزان ڈیجی فری لانسر اکائونٹ ہولڈرز کو میزان بینک کی طرف سے ایک تعارفی ای میل یا ایس ایم ایس موصول ہوگا۔ اس کمیونیکیشن میں تمام ضروری تفصیلات کے ساتھ ڈسکائونٹ حاصل کرنے کیلئے ایک منفرد پروموکوڈ بھی شامل ہوگا۔

Facebook Twitter Google + Share on Whatsapp

میزان بینک کا فری لانسرز کو ٹیکس کی سہولت فراہم کرنے کیلئے بی فائلر کے ساتھ معاہدہ

متعلقہ عنوان :

مزید تجارتی خبریں