پریکٹس میچ، بابر اعظم کی غلطی کے سبب آسٹریلین بیٹر کو 7 رنز مل گئے

پی ایم الیون نے اپنی مضبوط کارکردگی کو جاری رکھا اور دن کا اختتام 141 اوورز کے بعد 4 وکٹوں کے نقصان پر 367 رنز پر کیا

ذیشان مہتاب جمعہ 8 دسمبر 2023 14:26

پریکٹس میچ، بابر اعظم کی غلطی کے سبب آسٹریلین بیٹر کو 7 رنز مل گئے

کینبرا (اردو پوائنٹ تازہ ترین اخبار ۔ 8 دسمبر 2023ء ) کینبرا میں پاکستان کے 391-9 کے جواب میں دن کا آغاز 149-2 پر پی ایم الیون نے اپنی مضبوط کارکردگی کو جاری رکھا اور دن کا اختتام 141 اوورز کے بعد 367-4 پر کیا۔ اپنی ففٹی کے قریب میٹ رینشا نے یہ سنگ میل غیر متوقع انداز میں حاصل کیا۔ ابرار احمد کی بال پر میٹ رینشا نے 47 رنز پر بیٹنگ کرتے ہوئے شاندار آن ڈرائیو کھیلی ۔

فیلڈر میر حمزہ گیند کو روکنے میں کامیاب ہو گئے اور اسے واپس بابر اعظم کی طرف پھینک دیا۔

(جاری ہے)

بابر اعظم نے جلد بازی کی کوشش میں گیند کیپر سرفراز احمد کی طرف پھینکی۔ بدقسمتی سے تھرو سرفراز سے صرف ایک انچ آگے باؤنس ہوا اور بائونڈری پار کرگیا جس کے باعث رینشا کو ایک بال پر 7 رنز مل گئے۔ رینشا نے بالآخر پاکستان کی خراب فیلڈنگ کی مدد سے 136 گیندوں میں اپنی ففٹی مکمل کی۔