مقتول صحافی جمال خاشقجی کی اہلیہ کو امریکا میں سیاسی پناہ مل گئی

حنان ایلاتر کو 28نومبر کو غیر معینہ مدت کیلئے سیاسی پناہ ملی ہے،غیرملکی میڈیا

جمعہ 22 دسمبر 2023 20:20

انقرہ(اُردو پوائنٹ اخبارتازہ ترین - این این آئی۔ 22 دسمبر2023ء) ترکی کے شہر استنبول میں قتل کیے گئے سعودی صحافی جمال خاشقجی کی اہلیہ حنان ایلاتر کو امریکا میں سیاسی پناہ مل گئی۔

(جاری ہے)

غیرملکی خبررساں ادارے کے مطابق سعودی صحافی جمال خاشقجی کو 2018 میں استبول میں واقع سعودی سفارت خانے میں قتل کیا گیا تھا۔شوہر کی موت کے بعد جمال خاشقجی کی اہلیہ حنان ایلاتر اگست 2020 میں امریکا پہنچیں اور سیاسی پناہ کی درخواست دائر کی۔ حنان ایلاتر کو 28 نومبر کو غیر معینہ مدت کے لیے سیاسی پناہ مل گئی ہے۔