مخالف امیدوار کی فتح پر مبارکباد اور شکست تسلیم کرنے پر خواجہ سعد رفیق کی تعریفیں

جمعہ 9 فروری 2024 15:20

لاہور (اُردو پوائنٹ اخبارتازہ ترین - این این آئی۔ 09 فروری2024ء) لاہور کے حلقہ این اے 122 میں مسلم لیگ (ن) کے سینئر رہنما اور سابق وفاقی وزیر خواجہ سعد رفیق کو سردار لطیف کھوسہ نے بڑے مارجن سے شکست دے دی جس پر لیگی رہنما نے مخالف فاتح آزاد امیدوار کو مبارکباد دی۔این اے 122 سے آزاد امیدوار سردار لطیف کھوسہ ایک لاکھ 17 ہزار 109 لیکر کامیاب ہوئے جبکہ مسلم لیگ (ن) کے امیدوار خواجہ سعد رفیق 77 ہزار 907 ووٹ لیکر دوسرے نمبر پر رہے۔

غیر سرکاری، غیر حتمی نتائج سامنے آتے ہی سعدرفیق نے لطیف کھوسہ کو مبارکباد دی۔سوشل میڈیا پلیٹ ایکس پر جاری اپنے بیان میں سعد رفیق نے کہا کہ سردارلطیف کھوسہ صاحب کو دلی مبارکباد دی، عوامی فیصلے پر خوش دلی سے سر تسلیم خم کرتا ہوں۔انہوں نے کہا کہ اللہ آنیوالی پارلیمان کومتحد ہوکرقومی بحرانوں پرقابوپانیکی توفیق دے۔

(جاری ہے)

سعد رفیق کی جانب سے کھلے دل سے فیصلے کو تسلیم کرنے اور مخالف امیدوار کو مبارک دینے پر دیگر سیاسی جماعت کے رہنما بھی ان لیگی رہنما کی تعریف کی ۔

پی ٹی آئی کی سابق سیاسی رہنما اور سابق وفاقی وزیر شیریں مزاری نے ٹوئٹ کرتے ہوئے خواجہ سعد کی جانب سے شکست تسلیم کرنے اور جمہوری عمل کے نتائج کو قبول کرنے پر انہیں سراہا۔پاکستان تحریک انصاف کے آفیشل ٹوئٹر اکاؤنٹ سے بھی خواجہ سعد کے اس عمل کو سراہا گیا اور طنز کرتے ہوئے کہا کہ امید ہے ان کے لیڈر بھی لیگی رہنما کے اس عمل کو فالو کریں گے۔