ٹرانسفارمرز کی 10 ہزار سے زائد یادگاریں جمع کرنے کا ریکارڈقائم

مائک کائے نے سب سے زیادہ ٹرانسفارمر کی یادگار اکٹھی کرنے کا یہ ریکارڈ اے جے آرڈ سے حاصل کیا،رپورٹ

اتوار 18 فروری 2024 15:45

کیلیفورنیا(اُردو پوائنٹ اخبارتازہ ترین - این این آئی۔ 18 فروری2024ء) ایک امریکی شخص نے ٹرانسفارمرز سے تعلق رکھنے والی 10 ہزار 568 یادگاریں جمع کر کے گینیز ورلڈ ریکارڈ اپنے نام کر لیا۔غیرملکی خبررساں ادارے کے مطابق کیلیفورنیا سے تعلق رکھنے والے مائک کائے (جو 1984 سے روبوٹ جمع کر رہے ہیں)نے سب سے زیادہ ٹرانسفارمر کی یادگار اکٹھی کرنے کا یہ ریکارڈ اے جے آرڈ سے حاصل کیا۔

انہوں نے 5150 مختلف اشیا جمع کر کے یہ ریکارڈ بنایا تھا۔

(جاری ہے)

گینیز ورلڈ ریکارڈز سے بات کرتے ہوئے مائک کائے کا کہنا تھا کہ ان میں اس چیز کا شوق 1984 میں پیدا ہوا جب وہ تین یا چار سال کے تھے۔انہوں نے بتایا کہ وہ اور ان کا خاندان سیئرز میں تھے اور ان کے پاس جنریشن 1 ٹرانسفارمرز کھلونوں کا بہت بڑا ذخیرہ تھا لیکن انہیں صرف ایک کھلونا لینے کی اجازت تھی لہذا انہیں ہوئیسٹ (ایک ہرا اور نارنجی ٹو ٹرک)کا انتخاب کیا اور وہاں سے ان کے مشغلے کی ابتدا ہوئی۔مائک نے بتایا کہ انہوں نے جنریشن 1 کی کلیکشن اس وقت مکمل کی جب وہ کالج میں تھے، لیکن یہ شوق رکا نہیں۔