الیکشن کمیشن مخصوص نشستوں کی نئی فہرست پر معاملہ نہیں روک سکتا،قمر زمان کائرہ

پیر 26 فروری 2024 22:20

اسلام آباد(اُردو پوائنٹ اخبارتازہ ترین - این این آئی۔ 26 فروری2024ء) پیپلزپارٹی کے رہنما اور سابق وفاقی وزیر قمر زمان کائرہ نے کہاہے کہ مخصوص نشستوں کی نئی فہرست پر الیکشن کمیشن معاملہ روک نہیں سکتا۔

(جاری ہے)

اپنے بیان میںپیپلزپارٹی کے رہنما اور سابق وفاقی وزیر قمر زمان کائرہ نے کہا کہ الیکشن کمیشن ارکان کے نوٹیفکیشن کرتا ہے،الیکشن کمیشن کی جانب سے مخصوص نشستوں پر معاملہ چل رہا ہے، مخصوص نشستوں کے معاملے پر سنی اتحاد کونسل نے فہرست نہیں دی تھی۔

قمر زمان کائرہ نے کہا کہ ماضی میں بی اے پی کی مخصوص نشستوں سے متعلق ایک پریکٹس ہو چکی ہے، میں کسی جماعت کے حقوق کی مخالفت نہیں کر رہا۔رہنما پیپلزپارٹی نے کہا کہ سنی اتحاد کونسل نے نئی فہرست دینی ہے تو اس کا ٹائم فریم الگ معاملہ ہے۔