امریکا نے کبھی لاس اور ڈیمیج فنڈ کی مخالفت نہیں کی، جان کیری

ہم نے موسمیاتی بحران سے متاثرہ لوگوں کی مدد کے خیال کی ہمیشہ حمایت کی،گفتگو

بدھ 6 مارچ 2024 12:38

واشنگٹن(اُردو پوائنٹ اخبارتازہ ترین - این این آئی۔ 06 مارچ2024ء) ماحولیاتی تبدیلی کے لیے امریکا کے خصوصی صدارتی سفیر جان کیری نے کہا ہے کہ امریکا نے کبھی لاس اور ڈیمیج فنڈ کی مخالفت نہیں کی، اس کی مخالفت کی کہ فنڈ ذمے داری اور معاوضے سے منسلک ہو گا۔غیرملکی خبررساں ادارے کے مطابق واشنگٹن میں بریفنگ کے دوران جان کیری نے کہا کہ ہم نے موسمیاتی بحران سے متاثرہ لوگوں کی مدد کے خیال کی ہمیشہ حمایت کی، شرم الشیخ میں فنڈ بنانے کی تجویز کو امریکا نے قبول کیا، مخالفت کرتے تو فند کی تجویز کو کسی بھی وقت بلاک کر سکتے تھے۔

جان کیری کا کہنا تھا کہ ہمیں درمیانی راستے کی تلاش تھی جہاں سب مل کر کچھ بامقصد کام کرسکیں، جو کر سکتے ہیں اس کی تعریف امپیکٹ کے طور پر کی گئی ہے۔

(جاری ہے)

انہوں نے کہا کہ امپیکٹ فنڈ کمزور ممالک پر موسمیاتی اثرات سے نمٹنے کے لیے ہے، کمزور ممالک پر موسمیاتی اثرات سے نمٹنے کے لیے امپیکٹ فنڈ لاس اینڈ ڈیمیج ہی ہے۔ امریکا کے خصوصی صدارتی سفیر کا کہنا تھا کہ ہم ایسا کچھ کرنے کی کوشش کر رہے ہیں جو حقیقت میں ممکن ہو، کانگریس کے مختص کیے گئے 1 کروڑ 70 لاکھ ڈالر فنڈ میں دیے ہیں، 1 کروڑ 70 لاکھ ڈالر دوسروں کے دیے گئے 10 کروڑ ڈالر کے مقابلے میں چھوٹی رقم ہے۔

ان کا مزید کہنا تھا کہ کانگریس مختص نہ کرے تو مزید رقم نہیں دے سکتے، یہ رقم بھی صرف فنڈ قائم کرنے میں مدد کے لیے ہے، فنڈ آگے دینے کے لیے نہیں۔