کراچی: پولیس نے ایان اور انابیہ کو بڑی خالہ کے گھر منتقل کر دیا

جمعرات 14 مارچ 2024 22:44

کراچی(اُردو پوائنٹ اخبارتازہ ترین - آن لائن۔ 14 مارچ2024ء) شہر قائد کراچی سے بازیاب ہونے والے کمسن بہن بھائیوں کو بڑی خالہ کے گھر منتقل کر دیا گیا۔تفصیلات کے مطابق کراچی کے علاقے نارتھ ناظم آباد کے 12 سالہ ایان اور 11 سالہ انابیہ کو عدالت پیش کر کے حوالگی کے حوالے سے حتمی فیصلہ کیا جائے گا، پولیس نے دونوں بہن بھائیوں کی منتقلی کے بعد بڑی خالہ کے گھر پر لیڈی پولیس کانسٹیبل بھی تعینات کر دی ہیں۔

(جاری ہے)

قبل ازیں بچوں کی والدہ کا کہنا تھا کہ جو لوگ بچوں کو لے کر گئے وہی انہیں حیدری چھوڑ کر چلے گئے تھے، مجھے پرائیویٹ نمبر سے فون آیا، بچوں کی بازیابی کی اطلاع بھائی کو دی، بھائی نے پولیس اور رینجرز کے ہمراہ موقع پر بچوں کو تحویل میں لیا۔دوسری جانب بچوں انابیہ اور ایان نے پولیس کو بیان دیا ہے کہ ہم اپنی مرضی سے گھر سے نکلے تھے، ایک انکل آنٹی کے گھر رات گزاری، نانی ہم پر تشدد کرتی تھیں، خالہ ہم سے واش روم صاف کرواتی تھی۔#