حلیم عادل شیخ کی الیکشن کمیشن کیخلاف توہین عدالت کی درخواست پر سماعت

پیر 18 مارچ 2024 22:58

کراچی(اُردو پوائنٹ اخبارتازہ ترین - آن لائن۔ 18 مارچ2024ء) سندھ ہائی کورٹ میں پی ٹی آئی رہنما حلیم عادل شیخ کی الیکشن کمیشن کے خلاف توہین عدالت کی درخواست پر سماعت ہوئی۔سماعت کے آغاز میں چیف جسٹس سندھ ہائی کورٹ نے سوال کیا کہ الیکشن کمیشن کی جانب سے کون آیا ہی درخواست گزار کے وکیل نے کہا کہ الیکشن کمیشن نے تاحال کوئی تفصیلات نہیں دی ہیں، ہمیں ابھی تک الیکشن کمیشن نے درخواست مسترد کرنے کی وجوہات نہیں بتائیں۔

(جاری ہے)

حلیم عادل شیخ نے کہا کہ کہنا چاہتا ہوں، لوگوں کو اب عدلیہ سے اٴْمید ہے، آپ نے آرڈر کیا کہ بانی پی ٹی آئی کی تقاریر نشر ہونی چاہئیں۔چیف جسٹس سندھ ہائی کورٹ نے سوال کیا کہ ہم نے بانی پی ٹی آئی کی تقاریر کا کب آرڈر کیا حلیم عادل شیخ نے کہا کہ ہم نے پیمرا آرڈیننس کے تحت درخواست دائر کی تھی، میں سیدھا آدمی ہوں۔چیف جسٹس سندھ ہائی کورٹ نے حلیم عادل شیخ سے مکالمہ کرتے ہوئے کہا کہ آپ رہنے دیں اِدھر اٴْدھر چلے جائیں گے۔