ملی جیل میں ایک قیدی نے ایچ آئی وی (ایڈز)کا ٹیسٹ مثبت آنے پر خودکشی کرلی

منگل 19 مارچ 2024 19:05

کراچی (اُردو پوائنٹ اخبارتازہ ترین - این این آئی۔ 19 مارچ2024ء) کراچی کی ملیر جیل میں ایک قیدی نے ایچ آئی وی (ایڈز)کا ٹیسٹ مثبت آنے پر خودکشی کر لی۔تفصیلات کے مطابق کراچی کی ملیر جیل میں قیدیوں کے طبی ٹیسٹ ہوئے تھے جس میں ایک قیدی عزیر جدون نے ایڈز کا ٹیسٹ مثبت آنے پر زندگی سے مایوس ہو کر خودکشی کر لی۔

(جاری ہے)

عزیر جدون کی موت کے حوالے سے ابتدائی رپورٹ کے مطابق عزیر جدون اپنا ایچ آئی وی (ایڈز)ٹیسٹ مثبت آنے پر ذہنی دباو کا شکار تھا اور اس نے زندگی سے مایوس ہو کر چھلانگ لگا کر خودکشی کی۔وزیر جیل خانہ جات نے ملیر جیل میں قیدی کی خودکشی کا فوری نوٹس لیتے ہوئے آئی جی جیل خانہ جات کو واقعے کی فوری تحقیقات کر کے رپورٹ پیش کرنے کی ہدایت کی ہے۔