امریکا نے بحرین کو 2.2 بلین ڈالر کے جنگی ٹینکوں کی فروخت کی منظوری دے دی

بدھ 20 مارچ 2024 10:40

واشنگٹن (اُردو پوائنٹ اخبارتازہ ترین - اے پی پی۔ 20 مارچ2024ء) امریکا نے بحرین کو 2.2ارب ڈالر کے ٹینکوں کی فروخت کی منظوری دے دی۔ اے ایف پی کے مطابق محکمہ خارجہ سے جاری بیان میں بتایا گیا ہے کہ کانگریس کو مطلع کر دیاگیا ہے کہ وہ بحرین کو 50 ایم 1اے2ا برامز ٹینک فروخت کرنے کے لیے تیار ہے۔

(جاری ہے)

بیان میں کہا گیا ہے کہ مجوزہ فروخت بحرین کو موجودہ اور مستقبل کے خطرات سے نمٹنے میں مدد فراہم کرے گی ۔

بیان میں کہا گیا ہے کہ تقریباً 30 امریکی کنٹریکٹرز اور ایک سرکاری اہلکار کو تربیت کے لئے پانچ سال تک کے لئے بحرین بھیجا جائے گا۔یاد رہے کہ بحرین امریکی بحریہ کے پانچویں بحری بیڑے کا گھر ہے اور اسے ایک بڑے غیر نیٹو اتحادی کے طور پر درجہ بند کیا جاتا ہے۔