حیسکو ڈویژن کے ملازمین نے محکمے کو 54 کروڑ سے زائد کاچونا لگا دیا

حیسکوافسران نے جون2017سے جولائی 2023تک جعلی بلز پاس کروائے، جعلی بل فرضی ملازمین کی تنخواہوں کی مدمیں پاس کروائے گئے،ایف آئی اے

جمعہ 22 مارچ 2024 16:29

نوابشاہ(اُردو پوائنٹ اخبارتازہ ترین - این این آئی۔ 22 مارچ2024ء) حیسکو ڈویژن نوابشاہ میں ملازمین نے محکمے کو 54 کروڑ سے زائد کا چونا لگا دیا،جعلی بل فرضی ملازمین کی تنخواہوں کی مدمیں پاس کروائے گئے۔تفصیلات کے مطابق حیسکو ڈویژن نوابشاہ میں میگا کرپشن اسکینڈل سامنے آگیا ، حیسکو ڈویژن نوابشاہ میں ملازمین نے محکمے کو54 کروڑسے زائد کاچونا لگادیا۔

ایف آئی اے ذرائع نے بتایا کہ حیسکوافسران نے جون2017سے جولائی 2023تک جعلی بلز پاس کروائے، جعلی بل فرضی ملازمین کی تنخواہوں کی مدمیں پاس کروائے گئے۔

(جاری ہے)

ایف آئی اے شہید بینظیر آباد نے مقدمہ درج کرکے انکوائری کا آغاز کردیا ہے ، نجی بینک کے 5 ملازمین کو زیر حراست لے کر تفتیش کا آغاز کر دیا گیا ہے۔ذرائع نے بتایا کہ حیسکو افسران نینجی بینک سیبھاری رقم غیرقانونی طورپرنکلوائی، کرپشن میں ملوث افسران کی جلدگرفتاریوں کا امکان ہے۔

حیسکو سانگھڑ میں 54 کروڑ کے غبن کے انکشاف پر ایف آئی اے نے انکوائری رپورٹ جاری کردی ہے۔ایف آئی اینی2017سی2023 تک کی انکوائری رپورٹ جاری کی، جس میں بتایا ہے کہ 4ملزمان کوگرفتار، کیا گیا اور حیسکو کے 14 انجینئرزسیانکوائری کی گئی جبکہ نجی بینک کے 3 ملازم بھی فراڈمیں ملوث ہیں۔