,پشاور کے پولیس اسٹیشن شاہ پور کے حوالات کے اندر ایک مبینہ آئس کے عادی نوجوان نے چائے کی پیالی کو توڑ کر اس سے خود کشی کر لی

ہفتہ 23 مارچ 2024 22:45

× پشاور(اُردو پوائنٹ اخبارتازہ ترین - آن لائن۔ 23 مارچ2024ء) پشاور کے پولیس اسٹیشن شاہ پور کے حوالات کے اندر ایک مبینہ آئس کے عادی نوجوان نے چائے کی پیالی کو توڑ کر اس سے خود کشی کر لی.

(جاری ہے)

یاد رہے کہ ہمزہ خان سکنہ سعادت ٹاؤن کو والدہ کی شکایت پر پولیس نے گرفتار کیا تھا تفصیلات کے مطابق تھانہ شاہ پور پولیس کو مسماة (ا) زوجہ خان محمد سکنہ سعادت ٹاون نے اپنے بیٹے حمزہ کے خلاف درخواست کی کہ اس کا بیٹا نشی اور آئے روز گھر میں لڑائی جھگڑے کرتا رہتا ہے، جس کی رپورٹ پر مقامی پولیس نے گرفتار کرکے حوالات میں بند کردیا،اس دوران ملزم نے ٹوٹی ہوئی پیالی اپنی گردن پر پھیر دی،جس کو ابتدائی طبی امداد کی خاطر ہسپتال منتقل کردیا گیا، جہاں پر وہ جانبر نہ ہو سکا، پولیس نے تفتیش شروع کردی۔