ٰنیوزی لینڈ ویمن اورانگلینڈ ویمن ٹیموں کے درمیان چوتھا ٹی ٹونٹی کرکٹ میچ 27مارچ کو کھیلا جائے گا

منگل 26 مارچ 2024 18:45

۵ویلنگٹن(اُردو پوائنٹ اخبارتازہ ترین - آن لائن۔ 26 مارچ2024ء) نیوزی لینڈ اور انگلینڈ کی خواتین کرکٹ ٹیموں کے درمیان پانچ بین الاقوامی ٹی ٹونٹی میچوں پر مشتمل سریز کا چوتھا میچ 27مارچ کو بیسن ریزرو، ویلنگٹن میں کھیلا جائے گا۔دونوں ٹیموں کے درمیان پانچ میچوں کی سیریز میں مقابلہ 1-2 ہے۔ مہمان برطانوی خواتین ٹیم نے پہلے ٹی ٹونٹی میچ میں میزبان نیوزی لینڈ کی ٹیم کو 27 رنز سے جبکہ دوسرے ٹی ٹونٹی میچ میں 15 رنز سے شکست دی تھی، جس کے بعد میزبان نیوزی لینڈ ویمن نے تیسرے میچ میں برطانوی خواتین ٹیم کو سخت مقابلے کے بعد 3 رنز سے شکست دے کر سیریز میں کم بیک کیا ہے۔

انگلینڈ کی ویمن ٹیم ان دنوں نیوزی لینڈ کے دورہ پر ہے جہاں وہ میزبان ٹیم کے خلاف پانچ ٹی ٹونٹی اور تین ایک روزہ کرکٹ میچوں کی سیریز کھیلے گی،ٹی ٹونٹی سیریز کے تین میچز کھیلے جا چکے ہیں۔

(جاری ہے)

دونوں ٹیموں کے درمیان پانچ میچوں کی سیریز کا چوتھا میچ 27 مارچ کو بیسن ریزرو، ویلنگٹن میں کھیلا جائے گا جبکہ پانچواں اور آخری ٹی ٹونٹی میچ 29 مارچ کو بیسن ریزرو، ویلنگٹن میں کھیلا جائے گا۔ پانچ ٹی ٹونٹی میچوں کی سیریز میں برطانوی ٹیم کو ہیتھر نائٹ لیڈ کر یں گی جبکہ میزبان نیوزی لینڈ کی ویمن ٹیم کو سوفی ڈیوائن لیڈ کریں گی۔دونوں ٹیموں کے درمیان تین ون ڈے میچوں کی سیریز کا آغاز یکم اپریل کو پہلے میچ سے ہوگا، جو ویلنگٹن میں کھیلا جائے گا۔