چائے کی درآمدات میں جاری مالی سال کے پہلے 8 ماہ میں اضافہ ریکارڈ

بدھ 27 مارچ 2024 11:51

مکوآنہ (اُردو پوائنٹ اخبارتازہ ترین - این این آئی۔ 27 مارچ2024ء) ملک میں چائے کی درآمدات میں جاری مالی سال کے پہلے 8 ماہ میں سالانہ بنیادوں پراضافہ ریکارڈکیاگیاہے۔

(جاری ہے)

سٹیٹ بینک اورپاکستان بیوروبرائے شماریات کی جانب سے اس حوالہ سے جاری کردہ اعدادوشمارکے مطابق جاری مالی سال کے پہلے 8 ماہ میں چائے کی درآمدات پر480.81 ملین ڈالرکازرمبادلہ خرچ ہواجوگزشتہ مالی سال کی اسی مدت کے مقابلہ میں 39 فیصدزیادہ ہے، گزشتہ مالی سال کی اسی مدت میں چائے کی درآمدات346.80 ملین ڈالرکازرمبادلہ خرچ ہواتھا۔

فروری 2024 میں چائے کی درآمدات پر45.20 ملین ڈالرکازرمبادلہ خرچ ہواجوجنوری میں 63.72 ملین ڈالر اورگزشتہ سال فروری میں 21.39 ملین ڈالرتھا۔ مالی سال 2023 میں چائے کی درآمدات کامجموعی حجم 495.36 ملین ڈالر ریکارڈ کیا گیاتھا۔