صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
زرعی شعبہ 5فیصد، انڈسٹریل 0.84اور سروسز سیکٹر 0.01فیصد پر رہا ،رواں مالی سال کی دوسری سہ ماہی کی معاشی ترقی کی رپورٹ جاری
جمعہ 29 مارچ 2024 16:48
(جاری ہے)
ایس آئی ایف سی سیکریٹریٹ کے مطابق گرین کارپوریٹ لائیو سٹاک انیشی ایٹو نے برازیلین کمپنی سے مویشیوں کی 9 نسلوں کی درآمد کا معاہدہ کیا ہے۔
اس اقدام سے لائیو سٹاک سیکٹر میں بہتری آئے گی۔ اس حوالے سے 173مویشیوں کی پہلی کھیپ جمعرات کو سیالکوٹ انٹرنیشنل ایئرپورٹ پہنچ گئی۔این اے سی کے 108ویں اجلاس میں پہلی سہ ماہی کی شرح نمو کو نظرثانی کے بعد 2.1سے بڑھا کر 2.5فیصد کردیا گیا۔ پاکستان کی آبادی سالانہ 2.6فیصد کی شرح سے بڑھ رہی۔ اس سے کم شرح نمو کا مطلب ملک میں غربت، بیروزگاری اور غذائیت کی کمی کے مسائل کا بڑھنا ہے۔حکومت نے رواں مالی سال میں 3.5 فیصد کی شرح نمو کا ہدف طے کیا ہے تاہم آئی ایم ایف کے مطابق حالیہ مالیاتی بحران کے باعث شرح نمو 2فیصد رہنے کی توقع ہے۔ نئے وزیر خزانہ نے اس ہفتے کہا تھا کہ آئی ایم ایف کے پروگرام کو جاری رکھتے ہوئے بھی پاکستان زرعی شعبہ پر توجہ کرکے معاشی ترقی حاصل کر سکتا ہے۔تاہم انہوں نے کہا تھا کہ 22فیصد کے انٹرسٹ ریٹ پر بزنس کرنا ناممکن ہوگیا ہے۔ سٹیٹ بینک نے افراط زر کو قابو میں رکھنے کے لیے انٹرسٹ ریٹ پھر 22فیصد برقرار رکھا ہے۔ دوسری سہ ماہی میں زرعی شعبہ نے کاٹن ، جننگ اور لائیو سٹاک میں بہتر کارکردگی کی وجہ سے 5 فیصد کی شرح نمو کے ذریعہ ملک کی معیشت کو سہار ا دیا ہے۔ اس سہ ماہی میں اہم فصلوں کی پیدوار میں 8.12فیصد اضافہ دیکھنے میں آیا۔ گندم کی پیداوار میں 6.7 فیصد اضافہ ہوا۔تاہم گنے کی فصل کی پیداوار منفی میں رہی اور اس میں 10.7فیصد کمی واقع ہوئی ہے۔ اہم فصلوں کے علاوہ دیگر فصلوں کی پیداوار میں بھی معمولی 0.34فیصد کی کمی ہوئی ۔ کپاس جننگ اور اس کے کئی دیگر اجزا کی پیداوار میں گزشتہ سال کے مقابلے میں بڑا اضافہ ہوا۔ یہ اضافہ 53.6فیصد ریکارڈ کیا گیا۔ اس سال کاٹن کی فصل کی پیداوار بہت بہتر ہوگئی ہے۔مائننگ اور کھدائی کی انڈسٹری کی ترقی 4.17فیصد رہی۔ اس دوران گیس کی پیداوار میں 5 فیصد کمی، ماربل میں 40.13فیصد کمی، لائیم سٹون میں 20فیصد کمی دیکھی گئی۔ رواں مالی سال کی دوسری سہ ماہی میں لارج سکیل مینو فیکچرنگ کی پیداوار میں معمول کا 0.5فیصد اضافہ دیکھا گیا۔پبلک ایڈمنسٹریشن اور انشورنش انڈسٹری کی ترقی بھی 16.2فیصد منفی میں رہی۔ ایجوکیشن سیکٹر میں ترقی کی شرح ایک فیصد کے قریب رہی۔ ہیومن ہلیتھ اور سوشل ورک کی انڈسٹری میں منفی رجحان رہا اور اس میں بھی منفی 2.5 فیصد کا زوال دیکھا گیا۔ نجی سروسز کی شرح نمو 3.63فیصد پر رہی۔مزید قومی خبریں
-
فیصل جاوید اور انسداد دہشتگردی عدالت کے جج میں خوشگوار مکالمہ
-
بانی پی ٹی آئی سمجھتے ہیں کہ وہ بات نہیں کرنی چاہیے جو ملک اور اداروں کیلئے بہتر نہ ہو، وزیر اعلی خیبرپختونخوا علی امین گنڈاپور
-
پیپلز پارٹی کو صرف سندھ تک محدود جماعت کہنے والے آج خود ایک صوبے تک محدود ہو چکے ہیں، فیصل کریم کنڈی
-
وزیراعلی خیبر پختونخوا کے خلاف اسلحہ، شراب برآمدگی کیس کی سماعت ملتوی
-
پی ٹی آئی والے دوبارہ فوج کو سیاست میں دھکیل رہے ہیں، فیصل کنڈی
-
محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی کا محاذ سنبھال لیا
-
دریائوں اور آبی ذخیروں میں پانی کی صورتحال
-
تھائی لینڈ سے غیر قانونی درآمد 200نایاب کچھوے برآمد
-
پاکستان کو پرامن محفوظ اور مستحکم بنائیں گے،خواجہ سعد رفیق
-
پاکستان سمیت دنیا بھر میں فائر فائٹرز کا عالمی دن 4 مئی کو منایا جائے گا
-
پنجاب میں مزید بارشیں متوقع، وزیراعلیٰ کا پیشگی حفاظتی اقدامات کا حکم
-
وفاقی وزیرداخلہ کا اسلام آباد میں امن عامہ کو بہتر بنانے ،جرائم پیشہ ،کا منشیات کی خرید و فروخت میں ملوث گینگز کے خلاف بھرپور کریک ڈاؤن کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.