اداکار شجاع اسد کا بھاری دل کے ساتھ “خئی” کو الوداع

بدھ 3 اپریل 2024 14:51

کراچی (اُردو پوائنٹ اخبارتازہ ترین - اے پی پی۔ 03 اپریل2024ء) ابھرتے ہوئے فنکار شجاع اسد نے حال ہی میں اختتام پذیر ہونے والے بلاک بسٹر ڈرامہ “خئی” میں اپنے منفرد کردار برلاس خان کے بارے میں گہرے دلی جذبات کا اظہار کیا اور اپنے پرستاروں، پروڈیوسرز اور ساتھی فنکاروں کوخراج تحسین پیش کیا۔اپنے کردار کی ادائیگی کے سلسلے میں افغان نژاد اداکار شجاع اسد نے کہا کہ جس وقت میں نے خئی میں برلاس کی کہانی سنی، اسی وقت مجھے لگا کہ یہ کردار میرے لئے ہی ہے اور میں نے اسے بھرپور طور پر ادا کرنے کا فیصلہ کیااور اس کیلئے مجھے سخت محنت کرنی پڑی۔

ناظرین کی طرف سے بھرپور پذیرائی اور بے حد محبتوں کا شکریہ ادا کرتے ہوئے کہا ہوئے اداکار نے کہا کہ آپ کے پیار نے برلاس کوحقیقت بنادیا ہے ۔

(جاری ہے)

اپنی انسٹاگرام پوسٹ میں شجاع اسد نے پروڈیوسرز کا بھی خصوصی شکریہ ادا کیا جنہوں نے اس کردارکیلئے منتخب کیا اور ان پر اعتماد کیا ۔شجاع نے اپنے ڈائریکٹرز وجاہت حسین سید کی بے حد تعریف کی جنہوں نے اسے اس کردار میں ڈھالنے کیلئے محنت کی۔ انہوں نے ڈرامے کی سٹار کاسٹ کا بھی شکریہ ادا کیااور دیگر کریو ممبرز کو بھی سراہا جن سب نے خئی کو زندہ جاوید بنا دیا۔شجاع کے خئی کو الوداع کہنے پر اس کے پرستاروں نے سردار برلاس خان کے کردار کے گہرے تاثر کے بارے میں اظہار کیا ہے۔\932