شاہ رخ خان سے عید ملنے ہزاروں مداح ‘منت‘ کے باہر پہنچ گئے

شاہ رخ خان نے گھر کی بالکونی سے مداحوں کا شکریہ ادا کیا اور اپنے مخصوص انداز میں مداحوں کو عید کی مبارکباد دی

جمعہ 12 اپریل 2024 10:05

ممبئی (اُردو پوائنٹ اخبارتازہ ترین - این این آئی۔ 12 اپریل2024ء) بالی وڈ کے سپر اسٹار شاہ رخ خان سے عید ملنے ہزاروں مداح ان کے گھر کے باہر پہنچ گئے۔بھارت اور بنگلادیش میںبھی عید الفطر منائی گئی۔

(جاری ہے)

عید کے موقع پر ممبئی میں شاہ رخ خان کے گھر منت کے باہر ہزاروں افراد جمع ہوگئے اور ان کی ایک جھلک دیکھنے کے منتظر رہے۔شاہ رخ خان نے گھر کی بالکونی سے مداحوں کا شکریہ ادا کیا اور اپنے مخصوص انداز میں مداحوں کو عید کی مبارکباد دی۔اس موقع پر کنگ خان نے سفید شلوار قیمض زیب تن کی ہوئی تھی جبکہ ان کے چھوٹے بیٹے ابرام خان بھی بالکونی میں والد کے ساتھ موجود رہے۔