کراچی میں ڈائریا کی وبا پھیلنے لگی ،سیکڑوں مریض رپورٹ

جنوری تا یکم اپریل میں جناح اسپتال میں ڈائریا کے 4 ہزار 500 کیسز رپورٹ ہوئے

پیر 15 اپریل 2024 17:23

کراچی (اُردو پوائنٹ اخبارتازہ ترین - این این آئی۔ 15 اپریل2024ء) کراچی میں ڈائریا کی وبا پھیلنے کے باعث سرکاری اسپتالوں میں یومیہ سینکڑوں کیسز رپورٹ ہونے لگے۔تفصیلات کے مطابق جنوری تا یکم اپریل میں جناح اسپتال میں ڈائریا کے 4 ہزار 500 کیسز رپورٹ ہوئے۔

(جاری ہے)

اپریل میں ڈائریا کے کیسز میں اضافہ دیکھنے میں آرہا ہے، آلودہ پانی اور غیر صحتمند کھانا ڈائریا کا سبب بن رہا ہے، کیسز کی تعداد میں ہر گزرتے دن کے ساتھ اضافہ ہو رہا ہے، کچھ مریضوں کی حالت جسم میں پانی اور نمکیات کی کمی کے سبب تشویشناک ہوتی ہے، متعدد مریض دوران علاج دم توڑ چکے ہیں۔

انچارج شعبہ حادثات جناح اسپتال ڈاکٹر عرفان صدیقی کے مطابق آلودہ پانی اور غیر معیاری خوراک کے سبب ڈائریا کے کیسز میں اضافہ ہو رہا ہے، موسم گرما میں کمزور قوت مدافعت والوں بالخصوص پانچ سال سے کم عمر بچوں کو اسہال زیادہ متاثر کررہا ہے۔ڈاکٹر عرفان صدیقی نے کہا کہ شہری ابلے ہوئے پانی اور صحت مند غذا کا استعمال کریں پانی کا زیادہ سے زیادہ استعمال مرض کی شدت میں کمی کرے گا ۔