پی آئی اے پروازجدہ ائیرپورٹ پر 50مسافروں کو چھوڑ آئی

طیارہ چھوٹا ہونے کی وجہ سے مسافروں کو چھوڑنا پڑا،اعلیٰ حکام سے نوٹس لینے کا مطالبہ

پیر 15 اپریل 2024 22:52

اسلام آباد(اُردو پوائنٹ اخبارتازہ ترین - آن لائن۔ 15 اپریل2024ء) پی آئی اے کی پرواز طیارہ چھوٹا ہونے کے باعث 50مسافروں کو جدہ ائیرپورٹ چھوڑ آئی،مسافروں نے گزشتہ روز جدہ سے اسلام آباد آنا تھا تاہم طیارہ چھوٹا ہونے کی وجہ سے 50 مسافروں کو جدہ چھوڑ دیا گیا۔

(جاری ہے)

جدہ رہ جانے والوں مسافروں کو مشکلات کا سامنا ہے۔ زیادہ تر مسافر عمرہ زائرین ہیں ، انہوں نے اعلیٰ حکام سے نوٹس لینے کا مطالبہ کیا ہے۔ترجمان پی آئی اے کا کہنا ہے کہ مسافروں کو ہوٹل منتقل کر دیا گیا ہے ، آج خصوصی طیارہ تمام مسافروں کو جدہ سے لیکر وطن واپس پہنچ جائے گا۔