رابی پیرزادہ کی سرجری کامیاب، مداحوں سے دعائوں کی اپیل

ہفتہ 20 اپریل 2024 14:51

لاہور(اُردو پوائنٹ اخبارتازہ ترین - این این آئی۔ 20 اپریل2024ء) شوبز کو خیر باد کہنے والی رابی پیرزادہ کی سرجری کامیاب ہو گئی ۔رابی پیرزادہ کوطبیعت ناساز ہونے پر ہسپتال منتقل کیا گیا گیا تھا ۔رواں ماہ میں دوسری بار رابی پیرزادہ کو طبیعت بگڑنے پر ہسپتال منتقل کیا گیا ۔

(جاری ہے)

رابی پیرزادہ کی نئی پوسٹ کے مطابق ان کی سرجری مکمل اور کامیاب ہوئی ہے، ان کی حالت اب پہلے سے بہتر اور خطرے سے باہر ہے۔رابی پیرزادہ نے سوشل میڈیا پوسٹ میں بیماری یا ان کی صحت سے متعلق مسائل پر بات نہیں کی ۔رابی پیرزادہ کی ٹیم نے نئی پوسٹ میں لکھا ہے کہ آپ کی دعائوں کا شکریہ، میڈم اب بہتر ہیں، سرجری ہو گئی، باقی باتیں وہ اپنی قرآن کلاس میں کریں گی۔مداحوں سے دعائوں کی بھی اپیل کی گئی ہے۔