عوام گھروں سے نکلیں پی ٹی آئی امیدواروں کوکامیاب بنائیں‘فرخ جاوید مون

ضمنی انتخابات میں پی ٹی آئی کے امیدواروں کی کامیابی مخالفین کیخلاف ریفرنڈم ثابت ہو گی

ہفتہ 20 اپریل 2024 15:04

لاہور (اُردو پوائنٹ اخبارتازہ ترین - این این آئی۔ 20 اپریل2024ء) پاکستان تحریک ا نصا ف کے مرکزی رہنما ممبر پنجاب اسمبلی فرخ جاوید مون نے کہاہے کہ عوام گھروں سے نکلیں پی ٹی آئی امیدواروں کوکامیاب بنائیں، ضمنی انتخابات میں پی ٹی آئی کے امیدواروں کی کامیابی مخالفین کیخلاف ریفرنڈم ثابت ہو گی،آج 21اپریل کوعوام عمران خان کے امیدواروں کو بھاری اکثر یت سے کامیاب بنا ئیں گے۔

(جاری ہے)

اپنے جاری بیان میں انہوں نے کہاکہ باشعور ووٹرز 8 فروری کی طرح آج21 اپریل کو بھی گھروں سے باہر نکل کر حق اور سچ کا ساتھ دیں گے اور اپنے ووٹ کی طاقت سے پی ٹی آئی کے حمایت یافتہ سنی اتحاد کونسل کے نامزد امیدواروں کو کامیاب بنائیں گے پی ٹی آئی آئین قانون اور عوام کے حق حکمرانی کی جنگ لڑ رہی ہے۔