کراچی کو اپنا کہنے والوں نے ہی کراچی کو تباہ و برباد کیا، کراچی میں اسلحہ پولیس کی سرپرستی میں آتا ہے، مسلم پرویز
پولیس کی سرپرستی کے بغیر جرائم جنم نہیں لے سکتے، یونین کمیٹی میں تھانہ بنایا جائے ،مقامی رہنے والوں کو بھرتی کیا جائے
ہفتہ 20 اپریل 2024 22:05
(جاری ہے)
اطہر سلیمان، سکندر گبول اور ظفر الاسلام نے بھی خطاب کیا ۔
۔ نائب امیر جماعت اسلامی کراچی مسلم پرویز نے اپنے خطاب میں کہا کہ1973 میں ہم اپنے گھروں پہ کنڈی نہیں لگاتے تھے۔ آج تالے بھی لگاتے ہیں تو ڈکیت گھروں پہ ڈاکا ڈال کر چلے جاتے ہیں ۔ کراچی کو اپنا کہنے والوں نے ہی کراچی کو تباہ و برباد کیاسابق سٹی ناظم نعمت اللہ خان کے بعد منظور نظر لوگوں کو شہر پر مسلط کیا گیا۔ جن کی شناخت بھتہ خوری اور بوری بند لاشیں تھی ۔ مسلم پرویز نے الزام لگایا کہ کراچی میں اسلحہ پولیس کی سرپرستی میں آتا ہے ۔پولیس کی سرپرستی کے بغیر جرائم جنم نہیں لے سکتے انہوں نے مطالبہ کیا کہ ہر یونین کمیٹی میں تھانہ بنایا جائے اور اس میں مقامی لوگوں کو بھرتی کیا جائے۔ کراچی کے رہنے والے کو پولیس میں بھرتی کیا جائے۔ انہوں نے کہا کہ کراچی کا کوئی بھی شہری محفوظ نہیں ہے۔ اگر کہیں پتا چل جائے کہ اس گھر میں پیسے ہیں تو ڈاکا پڑ جاتا ہے۔ انہوں نے کہا کہ جب تک کراچی کے رہنے والے کو مسائل سے آزاد زندگی گزارنے اور وسائل کے ساتھ زندگی گزارنے کا حق نہیں دیا جاتا جماعت اسلامی کراچی کے ساڑھے تین کروڑ عوام کو تنہا نہیں چھوڑے گی ۔ جب تک مسلح ڈکیتیاں اور قیمتی انسانی جانوں کا ضیاع ختم نہیں ہوگا تو جماعت اسلامی کا احتجاج کا سلسلہ جاری رہے گا۔ انہوں نے کہا کہ سرکاری اسلحہ مجرموں کے بجائے عوام پر استعمال کیا جاتا ہے۔ اگر وردی والے وارداتیں ختم نہیں کرسکتے تو بغیر وردی والے شہری خود ڈکیتیوں سے آزادی حاصل کریں گے ۔ اس موقع پر خطاب کرتے ہوئے جماعت اسلامی ضلع شرقی کے قائم مقام امیر ڈاکٹر فواد احمد نے کہا کہ جماعت اسلامی کراچی کی آواز ہے اور شہریوں کے لیے امید کی کرن ہے وہ شہریوں کو تنہا نہیں چھوڑے گی۔ ایک ماہ میں ڈاکوں کے ہاتھوں درجنوں افراد کی ہلاکت تشویش ناک ہے ہم پولیس حکام کو جھنجھوڑنے اور نیند سے بیدار کرنے کے لیے سڑکوں پر نکلے ہیں ۔ صرف حکمرانوں اور با اثر افراد کے گھروں پر پہرا دینا پولیس کی زمہ داری نہیں شہریوں کا تحفظ بھی پولیس کی زمہ داری ہے جو وہ انجام نہیں دے رہی ۔ پولیس نے اپنا رویہ تبدیل نہ کیا تو علامتی مظاہرے احتجاجی دھرنوں میں تبدیل ہوسکتے ہیں ۔ کراچی کے شہریوں کو مجبور نہ کیا جائے کہ وہ اپنا تحفظ خود کرنے پر مجبور ہوجائیں۔ سندھ حکومت اپنا رویہ تبدیل کرے اور ہر شہری کے جان و مال کا تحفظ یقینی بنائے ۔ ہم کراچی کے شہریوں کو بے یار و مدد گار نہیں چھوڑیں گے ۔متعلقہ عنوان :
مزید قومی خبریں
-
پنجاب حکومت کی جانب سے گندم کی امپورٹ کی نشاندہی تاخیر سے کی گئی
-
پشاور پولیس کی کارروائی، بین الاضلاعی منشیات سمگلنگ میں ملوث دو خواتین ملزمان گرفتار
-
حیرت ہے پنجاب حکومت کے پاس گندم خریدنے کیلئے بھی پیسے نہیں، مشیر خزانہ خیبرپختونخوا مزمل اسلم
-
وزیراعلی پنجاب مریم نواز کی جانب سے پشاور کے سیلاب و بارش متاثرین کے لیے تحفہ
-
کراچی،50لاکھ کی ڈکیتی کا ڈراپ سین، رقم جمع کروانے والا ہی واردات کا ماسٹرمائنڈ نکلا
-
وزیر قانون نے چیف جسٹس کی مدت میں اضافے کے حوالے سے اشارہ دیا ہے ‘ اسد قیصر
-
عازمین حج کی حجاز مقدس روانگی کے سلسلے میں اسلام آباد انٹرنیشنل ایئرپورٹ پر روڈ ٹو مکہ منصوبے کے تحت تیاریاں مکمل
-
این اے 148ضمنی الیکشن،مسلم لیگ (ن) کا پیپلز پارٹی کے امیدوار کی حمایت کا اعلان
-
آئندہ چوبیس گھنٹوں کے دوران ملک کے بیشتر علاقوں میں موسم گرم اور خشک رہے گا، محکمہ موسمیات
-
وزیراعظم کو گندم درآمد تحقیقات کی ابتدائی تفصیلات سے آگاہ کر دیا گیا
-
عرب ممالک میں عیدالاضحی 16جون کو ہونے کا امکان
-
رواں سال غیر معمولی مون سون بارشیں ہونے کی پیشگوئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.