کراچی،لوٹ مار کے دوران ڈاکوؤں کی فائرنگ سے راہگیر جاں بحق

پیر 22 اپریل 2024 21:22

کراچی (اُردو پوائنٹ اخبارتازہ ترین - آن لائن۔ 22 اپریل2024ء) شہر قائد کراچی میں ڈاکوؤں کی فائرنگ سے راہگیر شخص جاں بحق ہو گیا، پولیس نے ملزموں کی تلاش شروع کر دی۔تفصیلات کے مطابق کراچی کے علاقے اورنگی ٹاؤن میں موٹرسائیکل سوار مسلح ڈاکو شہری کو لوٹنے کی کوشش کر رہے تھے کہ اس دوران مزاحمت پر فائرنگ کر دی، گولیاں لگنے سے راہگیر جاں بحق ہو گیا، مرنے والے شہری کی شناخت نصیب خان کے نام سے ہوئی۔

(جاری ہے)

فائرنگ کے واقعے کے بعد پولیس کی بھاری نفری موقع پر پہنچ گئی اور جائے وقوعہ کا جائزہ لینے کے بعد لاش کو پوسٹمارٹم کیلئے ہسپتال منتقل کر دیا گیا، پولیس نے لواحقین کی درخواست پر مقدمہ درج کر کے ملزموں کی تلاش شروع کر دی ہے۔ایس ایس پی ویسٹ نے کہا ہے کہ مقتول نصیب ڈکیتوں کی فائرنگ کی زد میں آکر جاں بحق ہوا، لوٹ مار کے دوران مقتول پر فائرنگ کی گئی، ملزمان کی گرفتاری کیلئے علاقے کی سی سی ٹی وی حاصل کی جا رہی ہے، جلد ان کو گرفتار کر لیا جائے گا۔#