فلسطینیوں کی حمایت، طلبہ کا احتجاج مزید وسیع ہوگیا

برطانیہ، اٹلی، فرانس، آسٹریلیا کے طلبہ کی اسرائیلی کمپنیوں سے تعلقات منقطع کرنے کی حمایت

اتوار 28 اپریل 2024 11:25

مقبوضہ غزہ(اُردو پوائنٹ اخبارتازہ ترین - این این آئی۔ 28 اپریل2024ء) غزہ کے مظلوم فلسطینیوں کی حمایت میں امریکا سے شروع ہونے والا طلبہ کا احتجاج مزید وسیع ہوگیا ہے۔ غیرملکی خبررساں ادارے کے مطابق اب برطانیہ، اٹلی، فرانس اور آسٹریلیا کے طلبہ بھی میدان میں آگئے، انہوں نے اسرائیلی کمپنیوں سے تعلقات منقطع کرنے کی حمایت کی ہے۔

(جاری ہے)

ادھر کولمبیا یونیورسٹی میں طلبہ کا غزہ یکجہتی کیمپ دس روز بعد بھی جاری ہے، دیگر جامعات کے مزید 40 کیمپس میں بھی احتجاج کا آغاز ہوگیا۔

امریکی ریاست الی نوائے اور پنسلوانیا کی یونیورسٹیز سمیت دیگر جامعات کے مظاہرین کو گرفتاریوں اور معطلی کی دھمکی دی گئی ہے۔مختلف جامعات میں گرفتاریوں کا سلسلہ بھی جاری ہے، اب تک گرفتار مظاہرین کی تعداد 600 سے زائد ہوگئی ہے۔اقوام متحدہ کے انسانی حقوق کے دفتر نے امریکا میں پرامن مظاہرین کی گرفتاریوں پر تشویش کا اظہار کیا ہے۔