ریسکیو1122کے زیرِ اہتمام انٹر ڈسٹرکٹ فائر اینڈ ریسکیو ڈرل مقابلہ جات میں میانوالی کی ٹیم فاتح قرار

سرگودہا (اُردو پوائنٹ اخبارتازہ ترین - اے پی پی۔ 30 اپریل2024ء) سرگودھا ڈویژن کا انٹر ڈسٹرکٹ فائر اینڈ ریسکیو ڈرل مقابلہ سرگودھا ڈویژن کا انٹر ڈسٹرکٹ فائر اینڈ ڈرل کامیٹیو ریسکیو سب اسٹیشن خوشاب روڈ سرگودھا میں منعقد ہوا۔سرگودھا ڈویژن کے تمام اضلاع بشمول خوشاب، میانوالی، بھکر اور سرگودھا سے فائر اینڈ ریسکیو کے عملے نے اپنے متعلقہ ڈسٹرکٹ ایمرجنسی آفیسرز کے کمانڈ کے تحت اس تقریب میں شرکت کی۔

(جاری ہے)

ڈسٹرکٹ ایمرجنسی آفیسر سرگودھا ڈاکٹر مظہر شاہ نے بطورِ تقریب میزبان سرگودھا میں تمام افسران، فائر اینڈ ریسکیو ٹیموں اور ریسکیو سٹاف کو خوش آمدید کہا۔ڈویژنل ایمرجنسی آفیسر ڈاکٹر فواد شہزاد مرزا نے تقریب کی نگرانی کی اور ڈویژن کی تمام ٹیموں کی کارکردگی کا جائزہ لیا۔فائر اینڈ ریسکیو کے تمام عملے نے اپنے ڈی ای اوز کی سربراہی میں مکمل پیشہ ورانہ تکنیکوں، حوصلہ افزائی کے ساتھ حصہ لیا اور بہترین مہارت کا مظاہرہ کیا۔ تشخیص کے بعد، سرگودھا اور میانوالی ٹیموں کے درمیان ٹائی ہوا کیونکہ دونوں نے برابر درجہ بندی اور پہلی پوزیشن حاصل کی۔بعد ازاں، ڈویژنل ایمرجنسی آفیسر کے فیصلے کے مطابق سکے کو اچھال کر فاتح کا فیصلہ کیا گیا اور میانوالی نے مقابلہ جیت لیا۔