تارکین وطن کی کشتی الٹنے سے ہلاکتوں پر یو این اداروں کا اظہار افسوس
یو این جمعرات 2 مئی 2024 03:45
اسلام آباد (اُردو پوائنٹ ۔ UN اردو۔ 02 مئی 2024ء) اقوام متحدہ میں پناہ گزینوں کے ادارے (یو این ایچ سی آر) اور ادارہ برائے مہاجرت (آئی او ایم) نے سینیگال سے جزائر کینیری پہنچنے کی کوشش میں 50 تارکین وطن کی سمندر میں ہلاکت پر افسوس کا اظہار کیا ہے۔
اطلاعات کے مطابق ان تارکین وطن کی کشتی بحر اوقیانوس میں کینیری کے جزیرے ال ہیرو سے 60 کلومیٹر فاصلے پر ڈوب گئی۔
اس حادثے میں صرف نو افراد کو زندہ بچایا جا سکا ہے۔اقوام متحدہ
کے ترجمان سٹیفن ڈوجیرک نے کہا ہے کہ یہ لوگ بہتر زندگی کی تلاش میں نکلے تھے لیکن لالچی سمگلروں اور شکستہ کشتیوں کے باعث ان کے خواب بکھر گئے۔مہاجرت کا خطرناک سفر
'آئی او ایم' کی جاری کردہ تازہ ترین معلومات سے ظاہر ہوتا ہے کہ 2023 میں تارکین وطن کی بیشتر اموات صحرائے صحارا اور کینیری جزائر کی جانب سمندری راستے پر ہوئیں جہاں یہ لوگ پناہ اور یورپ میں کام کے بہتر مواقع کی تلاش میں جاتے ہیں۔
(جاری ہے)
ادارے نے کہا ہے کہ پناہ گزین تنازعات اور موسمیاتی تبدیلی کے اثرات سے جان بچانے کے لیے یہ سفر اختیار کرتے ہیں۔ 2023 میں بحیرہ روم کے آر پار سفر کے دوران کم از کم 3,129 تارکین وطن کی ہلاکت ہوئی جو کہ 2017 کے بعد ایسی اموات کی سب سے بڑی تعداد ہے۔ علاوہ ازیں، افریقہ میں مہاجرت کے زمینی راستوں پر تقریباً 1,866 تارکین وطن ہلاک ہو گئے۔
سٹیفن ڈوجیرک کا کہنا ہے کہ 'آئی او ایم' اور 'یو این ایچ سی آر' اس حقیقت کی جانب توجہ دلا رہے ہیں کہ تارکین وطن اور پناہ کے خواہش مند لوگوں کے لیے محفوظ اور باقاعدہ راستے دستیاب ہونے چاہئیں تاکہ ان کی زندگیوں کو تحفظ مل سکے۔
متعلقہ عنوان :
مزید اہم خبریں
-
ترک میڈیا کے ایرانی صدر کے ہیلی کاپٹر حادثے پر اہم انکشافات
-
'ایئر ٹربولینس' کیا ہے اور کیوں عام ہوتا جا رہا ہے؟
-
رؤف حسن پر حملہ کرنے والی وہی قوتیں ہیں جو ججوں کو دھمکاتی ہیں، عمران خان
-
فرانس اور جرمنی کی انتہائی دائیں بازو کی جماعتیں ایک دوسرے سے جدا
-
خیبر پختونخواہ حکومت کا وفاق سے پہلے 24مئی کو بجٹ پیش کرنے کا اعلان
-
بجلی کے ٹیرف میں 8 روپے فی یونٹ تک کمی کا فارمولا پیش
-
جرمن مصنفہ جینی ایرپن بیک کی کتاب کیروس کے لیے عالمی بکر پرائز
-
امریکہ نے بنگلہ دیش کے سابق آرمی چیف پر پابندیاں عائد کر دیں
-
افغان سرزمین سے پاکستان میں دہشت گردی کے واقعات میں اضافہ
-
کرغزستان میں حالات معمول پر آگئے، فسادات کے ذمہ داروں کو گرفتار کرلیا گیا، اسحاق ڈار
-
ہتک عزت کالے قانون کیخلاف قومی اورپنجاب اسمبلی میں مزاحمت کرینگے،عمر ایوب
-
اقوام متحدہ ، جنوبی سوڈان امن مشن میں خدمات انجام دینے والے پاکستانیوں کے اعزاز میں تقریب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.