پاک فوج اور قوم کا محبت، جذبات اور احترام کا رشتہ ہے،ایازمیمن

کراچی(اُردو پوائنٹ اخبارتازہ ترین - این این آئی۔ 14 مئی2024ء) آل کراچی تاجر الائنس ایسوسی ایشن کے چیئرمین ایاز میمن موتی والا نے شمالی وزیرستان میں سیکورٹی فورسز پر دہشتگردوں کے حملے کی پر زور مذمت کرتے ہوئے کہا ہے کہ افواج پاکستان کبھی بھی دہشت گردوں کو ان کے مذموم عزائم میں کامیاب نہیں ہونے دیگی، افواج پاکستان کے جوان ملک وقوم کی حفاظت کوا پنی جان پر ترجیح دیتے ہیں تاریخ گواہ ہے کہ جب بھی دشمنوں نے ارض پاک کو نقصان پہنچانے کی کوشش کی پاک فوج نے ان کو منہ توڑ جواب دیا اور ان کے ارادوں کو خاک میں ملایا، دہشت گردوں کے حملوں میں سات فوجی جوانوں کی شہادت افسوسناک ہے دعاہے کہ اللہ کریم شہداء کے لواحقین کو صبر جمیل عطا کرے۔

ان خیالات کااظہارانہوںنے اپنے جاری کردہ بیان میں کیا۔

(جاری ہے)

ایازمیمن موتی والا نے کہاکہ پاک فوج اور قوم کا جذبات، محبت، اخوت اور وفاداری کا رشتہ ہے جس کو کوئی بھی توڑ نہیں سکتا افواج پاکستان کی اپنی قوم کے جان ومال کے تحفظ کے لیئے دی جانے والی قربانیاں لازوال ہیں ، دشمن کچھ بھی کر لیں پاک فوج کے ہوتے ہوئے وہ کبھی بھی پاکستان قوم کو نقصان پہنچانے میں کامیاب نہیں ہوسکتے، انہوںنے کہا کہ افواج پاکستان پوری قوم کے دلوں میں دھڑکن کی طرح بستی ہے ظاہر ی دشمن ہویا دوست کے روپ میں چھپا ہوا دشمن ہو کوئی بھی قوم اور فوج کے درمیان نفرت نہیںپھیلا سکتا پاکستان فوج کا شمار دنیا کی بہترین فوج میں ہوتا ہے جس نے ہمیشہ اپنے فرائض کی ادائیگی کو اپنی جان پر ترجیح دی ، ہماری فوج لگن، جذبے ، محبت اور ایمان کی طاقت کے ساتھ ملک وقوم کی حفاظت کے فرائض انجام دے رہی ہے جس کو شکست دینا ناممکن ہے ، دنیا بھر کی فوجیں اپنے ہتھیاروں اور ٹیکنالوجی کے بھروسے جنگیں لڑتی ہیں جبکہ ہماری فوج ایمان کی طاقت سے جنگ لڑتی ہے اور کسی بھی مسلمان کے لیئے اس کا مضبوط ایمان سے بڑا کوئی ہتھیار نہیں ہوسکتا ، انہوں نے کہا کہ افواج پاکستان کی تاریخ ملک وقوم کے لیئے دی جانے والی قربانیوں سے بھری پڑی ہے دہشت گرد کچھ بھی کرلیں وہ پاکستان کو نقصان نہیں پہنچا سکتے پاک فوج سیسہ پلائی دیوار کی مانند اپنی قوم کی حفاظت کے لیئے ہر جگہ کھڑی ہے۔