آل پاکستان نیوز پیپرز سوسائٹی کا محکمہ اطلاعات سندھ کی طرف سے اخبارات کو واجبات کی ادائیگی پر اطمینان کا اظہار

اسلام آباد (اُردو پوائنٹ اخبارتازہ ترین - اے پی پی۔ 17 مئی2024ء) آل پاکستان نیوز پیپرز سوسائٹی کی سندھ کمیٹی کا اجلاس چیئرمین جاوید مہر شمسی کی صدارت میں منعقد ہوا۔ اجلاس میں اراکین نے مطالبہ کیا گیا کہ اشتہارات کی مدمیں واجبات کی ادائیگی عید سے قبل یقینی بنائی جائے تاکہ اخبارات اپنے مالی مسائل سے عہدہ براں ہوسکیں اور صحافی و دیگر ملازمین کی اجرتوں اور واجبات کی بروقت ادائیگی کرسکیں۔

سندھ کمیٹی کے اراکین نے پریس رجسٹرار آفس کے ذریعے رجسٹریشن کی تجدید کروانے میں اراکین کو درپیش مشکلات کی نشاندہی کرتے ہوئے مطالبہ کیا کہ پریس رجسٹرار آفس تجدید کے پیچیدہ طریقہ کار کو سہل اور آسان بنائے اور تجدید کے عمل کو ایک ہی بار کیا جائے جیسا کہ قانون میں درج ہے۔

(جاری ہے)

سندھ کمیٹی کے اراکین نے محکمہ اطلاعات سندھ کی طرف سے اخبارات کو واجبات کی ادائیگی پر اطمینان کا اظہار کیا اور امید ظاہر کی کہ بقیہ واجبات کی عید سے قبل ادائیگی یقینی بنائی جائے گی۔

سندھ کمیٹی نے اے، بی ،سی کے مسودہ قواعد و ضوابط پر تفصیلی غور کیا اور اپنی سفارشات مرتب کیں۔ اجلاس میں جاوید مہر شمسی چیئرمین سندھ کمیٹی، یونس مہر(روزنامہ ہلچل)، بلال فاروقی (روزنامہ آغاز)، ممتاز علی پھلپھوٹو(روزنامہ عوامی پرچار)، علی بن یونس (روزنامہ بیوپار)، خرم حسین(روزنامہ ڈان)، اقبال تنیو(روزنامہ جنگ)، حسینہ جتوئی(روزنامہ مومل)، زاہدہ عباسی(روزنامہ نوسج)، محمد سلیم(روزنامہ سندھ سجاگ)، امتیاز اختر قاضی(روزنامہ تعمیر سندھ)، قاضی سجاد اکبر(روزنامہ دی ریجنل ٹائمز)، محمد عرفان(روزنامہ امت)، شاہد ساٹی (روزنامہ وطن گجراتی)، منگل داس اروانی(روزنامہ ہلالِ پاکستان)، مختار احمد عاقل(روزنامہ فرض کراچی)نے شرکت کی ۔