سلیکٹیو جسٹس انصاف نہیں بددیانتی ہوگی، وزیر دفاع

منصف کا مزاج، پسند نا پسند، وقت اور موسم انصاف پر اثر انداز نہیں ہونا چاہیے، خواجہ آصف

جمعہ 17 مئی 2024 23:08

اسلام آباد (اُردو پوائنٹ اخبارتازہ ترین - این این آئی۔ 17 مئی2024ء) وزیر دفاع خواجہ آصف نے کہاہے کہ سلیکٹیو جسٹس انصاف نہیں بد دیانتی ہوگی انصاف کا قتل کہلائے گا، منصف کا مزاج، پسند نا پسند، وقت اور موسم انصاف پر اثر انداز نہیں ہونا چاہیے۔

(جاری ہے)

سماجی رابطے کی ویب سائٹ ایکس پر دیے گئے اپنے بیان میں خواجہ آصف نے کہا کہ نواز شریف کے ساتھ بانی پی ٹی آئی اور ان کی سرپرست عدلیہ اور اسٹیبلشمنٹ نے جو کچھ کیا وہ تاریخ کاسیاہ باب ہے۔

انہوں نے کہا کہ آج بانی پی ٹی آئی کی سپریم کورٹ میں ویڈیو حاضری دیکھی تو یاد آیا، نوازشریف کی مقروض تو ہماری معزز عدلیہ بھی ہے۔خواجہ آصف نے کہا کہ جب مکافات عمل کی گرفت میں آئے ہیں تو نواز شریف پر پابندی یاد آئی ہے، بانی پی ٹی آئی کے حقوق یاد رکھنے والی عدلیہ ماضی کے مظالم کا بھی ازالہ کرے۔