حالات کو کنٹرول نہ کیا گیا تو تشدد مزید شہروں میں پھیلنے کا خدشہ ہے
اصل صورتحال کافی تشویشناک ہے، طلبا کے مطابق سفارتخانے کا ردعمل اب تک مایوس کن رہا ہے، طلبا کی زندگیاں داؤ پر لگی ہیں، انہیں مشکل سے نکالنے کیلئے فوری اقدامات کیے جائیں۔امیرجماعت اسلامی حافظ نعیم الرحمن کا ردعمل
ثنااللہ ناگرہ ہفتہ 18 مئی 2024 21:19
(جاری ہے)
حافظ نعیم الرحمن نے کہا حکومت کی جانب سے سٹوڈنٹس سے عدم رابطہ اورعدم تعاون قابل تشویش ہے۔ وطن سے دور طلبہ و طالبات کی حفاظت ریاست کی ذمہ داری ہے۔ انہوں نے کہا کہ حالات کو کنٹرول نہ کیا گیا تو تشدد مزید شہروں میں پھیلنے کا خدشہ ہے، پاکستانی طلبہ کی بڑی تعداد اوش، جلال آباد اور قانت میں بھی موجود ہے۔
ایشین میڈیکل اکیڈمی قانت میں بھی پاکستانی طلبہ شدید خوف کا شکار ہیں، حکومت ایشین یونیورسٹی آف کرغزستان میں طلبہ وطالبات کے لیے حفاظتی اقدامات کا بندوبست کرے۔ انہوں نے مزید کہا کہ کرغزستان میں عدم تحفظ کی وجہ سے طلبا وطالبات شدید خوف اور پریشانی میں مبتلا ہیں۔ اصل صورتحال کافی تشویشناک ہے، طلبا کے مطابق سفارتخانے کا ردعمل اب تک مایوس کن رہا ہے، طلبا کی زندگیاں داؤ پر لگی ہیں، انہیں مشکل سے نکالنے اور تحفظ فراہم کرنے کے لیے فوری اقدامات کیے جائیں۔ اسی طرح پاکستان تحریک انصاف کے چیئرمین بیرسٹر گوہر علی خان نے ایکس پر اپنے ردعمل میں کہا کہ کرغستان میں انٹرنیشنل میڈیکل یونیورسٹی، ایشین میڈیکل انسٹیٹیوٹ اور ایڈم (Adam) یونیورسٹی وغیرہ میں زیرِتعلیم 100 سے زائد طلبہ و طالبات جن میں عادل، طلحہ، کومل گیلانی، عبدالحئی، عامر افضل اور شاہ زیب وغیرہ شامل تھے، نے بذریعہ زوم (Zoom) مجھ سے بات کی اور کرغستان کی موجودوہ صورتحال اور وہاں مقیم طلبہ و طالبات کو درپیش سنگین مسائل سے آگاہ کیا۔ انہوں نے کہا کہ ان سمیت کرغستان میں موجود طلبہ و طالبات کی ایک کثیر تعداد امن عامہ کی تیزی سےبگڑتی صورتحال سے سخت پریشان ہے اور اپنے بچاؤ/تحفظ کیلئے حکومت کی جانب سے اب تک اٹھائے گئے اقدامات سے مطمئن نہیں ہے۔ خطرات کے شکار ان طلبہ و طالبات اور ان کے اہلِ خانہ کی ایما پر میری حکومت سے پرزور اپیل ہے کہ صورتحال کی سنگینی کا احساس کیا جائے اور ان طلبہ وطالبات کے کرغستان سے فی الفور انخلاء (evacuation) کو یقینی بنایا جائے۔ دوسری جانب کرغزستان کے نائب وزیرخارجہ نے کہا ہے کہ حکومت طلباء پر حملے کے مجرموں کے خلاف قانونی کارروائی کرے گی۔ وزیر خارجہ اسحق ڈار کی ہدایت پر کرغزستان میں پاکستانی سفیر حسن ضیغم نے کرغز نائب وزیر خارجہ سے ملاقات کی۔ ملاقات میں سفیر نے دارالحکومت بشکیک میں پاکستانی طلبہ کی صورتحال اور ان کے اہل خانہ کے خدشات سے آگاہ کیا۔ ترجمان دفتر خارجہ کے مطابق پاکستانی سفیر حسن ضیغم نے کرغزستان حکومت پر زور دیا کہ وہ پاکستانی شہریوں کے تحفظ کو ترجیح دیں۔اس موقع پر کرغزستان کے نائب وزیر خارجہ نے کہا کہ بشکیک میں حکام نے صورتحال پر قابو پالیا ہے اور حالات اب معمول پر آگئے ہیں، جب کہ مقامی پولیس تمام ہاسٹلز کو بھرپور سیکیورٹی فراہم کر رہی ہے۔ انہوں نے کہا کہ کچھ پاکستانیوں سمیت 14 غیر ملکی شہریوں کو ابتدائی طبی امداد فراہم کر دی گئی ہیں، اس وقت ایک پاکستانی شہری زیر علاج ہے۔نائب وزیر خارجہ نے کہا کہ کرغزستان کے صدر خود اس معاملے کی براہ راست نگرانی کررہے ہیں اور حکومت کل کے حملے کے مجرموں کے خلاف قانونی کارروائی کرے گی۔مزید اہم خبریں
-
استطاعت نہ سہی استقامت سے حج
-
ایک کرنسی، ایک فون چارجر اور بہت کچھ آسان: یورپی یونین نے شہریوں کی زندگی سہل بنا دی
-
باجوڑ پولیس نے چیک پوسٹ پر دہشت گردوں کا حملہ ناکام بنا دیا
-
بلیک ہسٹری
-
سابق گورنر محمد زبیر کا مسلم لیگ ن سے راہیں جدا کرنے کا اعلان
-
شدید گرمی، بنگلہ دیشی گارمنٹ فیکٹری ملازمین بیمار پڑنے لگے
-
چیف الیکشن کمشنر عدلیہ کیخلاف میدان میں نکلے ہیں، رؤف حسن
-
وزیراعظم نے بہترین سفارتکاری سے ترقی و خوشحالی کی راہ ہموار کر دی، مریم نواز
-
پاکستان: حکومت اور یو این کا موسمیاتی تبدیلی کے اثرات سے نمٹنے کا عزم
-
تحریک انصاف کے 28 رہنماؤں کے خلاف بغاوت کا مقدمہ درج
-
یونیسکو کا سکولوں اور تعلیمی نصاب کو ماحول دوست بنانے کا منصوبہ
-
ہماری جدوجہد تب تک جاری رہے گی جب تک مینڈیٹ چور گھروں کو نہیں جاتے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.