ایف بی آر کا یکم جولائی سے غیررجسٹرڈ تاجروں کیخلاف سخت کارروائی کا فیصلہ

منگل 21 مئی 2024 13:08

لاہور(اُردو پوائنٹ اخبارتازہ ترین - این این آئی۔ 21 مئی2024ء) فیڈرل بورڈ آف ریونیو نے یکم جولائی سے غیررجسٹرڈ تاجروں کے خلاف سخت کارروائی کا فیصلہ کیا ہے ۔3 اپریل کی ڈیڈ لائن گزرنے کے تین ہفتے بعد بھی رجسٹرڈ تاجروں کی تعداد 12 ہزار کے لگ بھگ تک ہی پہنچ سکی ہے ۔ ایف بی آر نے غیر رجسٹرڈ تاجروں کے خلاف یکم جولائی سے سخت کارروائی کا فیصلہ کیا ہے۔

(جاری ہے)

ایف بی آر حکام کے مطابق ملک میں 37 لاکھ ریٹیلرز میں سے صرف تین لاکھ کے قریب سالانہ ٹیکس گوشوارے جمع کرواتے ہیں،اس اسکیم کے تحت ایف بی آرنے یکمشت ٹیکس ادائیگی پر پچیس فیصدرعایت کا اعلان کیا تھا۔یہ اسکیم 6 بڑے شہروں کراچی، لاہور، پشاور، کوئٹہ، راولپنڈی اور اسلام آباد کیلئے شروع کی گئی تھی۔ تاجروں کو آسان ماہانہ اقساط میں ٹیکس ادائیگی کی سہولت دی گئی ہے، رجسٹرین موبائل ایپ میں تاجر دوست پیج کے ذریعے کروائی جا سکتی ہے جس کیلئے کسی فیس یا وکیل کی ضرورت نہیں ہے۔