کینیا میں 42 خواتین کو قتل کرنے والا سیریل کلرگرفتار

ملزم کے گھر سے ایک چھرا بھی برآمد،مزید تحقیقات جاری ہیں،پولیس

منگل 16 جولائی 2024 14:31

کینیا میں 42 خواتین کو قتل کرنے والا سیریل کلرگرفتار

نیروبی (اُردو پوائنٹ اخبارتازہ ترین - این این آئی۔ 16 جولائی2024ء) کینیا کی پولیس نے خواتین کو قتل کرنے والے سیریل کلر کو گرفتار کرنے کا دعوی کیا ہے۔غیرملکی خبررساں ادارے کے مطابق پولیس کے مطابق دارالحکومت نیروبی کی ایک ڈمپنگ سائٹ سے لاشیں ملنے کے بعد سیریل کلر کو گرفتار کیا گیا ہے۔پولیس کا کہنا تھا کہ مشتبہ شخص ان 9 خواتین کے بہیمانہ قتل میں ملوث ہے جن کی مسخ شدہ لاشیں ڈمپنگ سائٹ سے ملی تھیں۔

(جاری ہے)

پولیس کے مطابق 33 سالہ جومایسی خلیسیا نے 2022 سے اب تک اپنی بیوی سمیت 42 خواتین کو قتل کرنے کا اعتراف کیا ہے۔پولیس کے مطابق مشتبہ شخص کے گھر سے اہم شواہد ملے ہیں جن میں10 موبائل فون، 1 لیپ ٹاپ، چادر، شناختی کارڈ اور خواتین کے کپڑے شامل ہیں۔ملزم کے گھر سے ایک چھرا بھی برآمد ہوا ہے جسے آلہ قتل سمجھا جارہا ہے، اس کے علاوہ ملزم کے گھر 9 بوریاں بھی برآمد ہوئی ہیں۔خیال رہے کہ دارالحکومت نیروبی میں جمعے کو خواتین کی مسخ شدہ لاشیں ملنے کے بعد سے کینیا میں غم وغصہ پایا جاتا ہے۔