غزہ ملبے کا ڈھیر بن گیا‘ اٹھانے میں 15 سے 20 سال لگ سکتے ہیں‘اقوام متحدہ

غزہ کی پٹی میں 4 کروڑ 20 لاکھ ٹن ملبہ جمع‘ ملبہ 2008 سے 2023 تک کی تباہی سے 14 گنا زائد ہے‘یو این سیٹیلائٹ سینٹر

ہفتہ 3 اگست 2024 12:01

غزہ ملبے کا ڈھیر بن گیا‘ اٹھانے میں 15 سے 20 سال لگ سکتے ہیں‘اقوام متحدہ

غزہ (اُردو پوائنٹ اخبارتازہ ترین - این این آئی۔ 03 اگست2024ء) اسرائیلی مظالم اور حملوں سے متاثرہ غزہ ملبے کا ڈھیر بن گیا جسے اٹھانے میں 15 سے 20 سال لگ سکتے ہیں۔

(جاری ہے)

اقوام متحدہ کے سیٹیلائٹ سینٹر کے تخمینے کے مطابق غزہ کی2 تہائی عمارتیں مکمل تباہ یا شدید متاثر ہوگئی ہیں جن کا ملبہ اٹھانے میں 15 سے 20 سال لگ سکتے ہیں۔یو این سیٹیلائٹ سینٹر کا بتانا ہے کہ غزہ کی پٹی میں 4 کروڑ 20 لاکھ ٹن ملبہ جمع ہوگیا ہے۔یو این سیٹیلائٹ سینٹر کے مطابق اپریل میں یو این مائن ایکشن ایجنسی نے 3 کروڑ 70 لاکھ ٹن ملبہ اٹھانے کاوقت 14 سال بتایا تھا اور بتایا جارہا ہے کہ یہ ملبہ 2008 سے 2023 تک کی تباہی سے 14 گنا زائد ہے۔