چین اور امریکہ کے وزرائے تجارت کے درمیان جلد ٹیلیفونک بات چیت ہوگی، چینی میڈ یا

بیجنگ (اُردو پوائنٹ اخبارتازہ ترین - این این آئی۔ 01 اکتوبر2024ء) چین اور امریکہ کے وزرائے تجارت جلد ٹیلیفون پر بات چیت کریں گے جس میں چین امریکہ اقتصادی اور تجارتی تعلقات اور برقی گاڑیوں پر پابندی سمیت دونوں فریقوں کے لئے انتہائی تشویش کے اقتصادی اور تجارتی امور پر تفصیلی تبادلہ خیال کیا جائے گا۔ یہ ٹیلیفونک بات چیت دونوں ممالک کے تجارتی محکموں کے درمیان مکالمے اور مواصلات کا ایک میکانزم ہے۔

منگل کے روز چینی میڈ یا کی رپورٹ کے مطا بقرواں سال 11 جنوری کو دونوں وزرائے تجارت نے ٹیلیفونک بات چیت کی تھی جس کے دوران فریقین نے باہمی دلچسپی کے اقتصادی اور تجارتی امور پر گہری اور عملی بات چیت کی۔ فریقین نے اقتصادی اور تجارتی شعبوں میں چین اور امریکہ کے درمیان قومی سلامتی کے دائرے کے معاملے پر بھی تبادلہ خیال کیا۔

(جاری ہے)

دونوں وزرائے تجارت کے درمیان بات چیت سے چین امریکہ اقتصادی اور تجارتی تعلقات کی مستحکم ترقی کو فروغ دینے میں مدد ملے گی اور دونوں ممالک کے کاروباری اداروں کے مابین باہمی فائدہ مند تعاون کے لئے سازگار حالات پیدا ہوں گے۔

چائنا سدرن تھیٹر کا بحیرہ جنوبی چین کے متعلقہ پانیوں میں جنگی تیاریوں کا گشتسالانہ فوجی تربیتی انتظامات کے مطابق ، 30 ستمبر سے یکم اکتوبر تک ، چینی پیپلز لبریشن آرمی کے سدرن تھیٹر نے بحیرہ جنوبی چین کے متعلقہ پانیوں میں جنگی تیاریوں کے گشت کے لئے بحری جہازوں کو منظم کیا ، جس کا مقصد مشترکہ جنگی صلاحیتوں کو بڑھانا اور بحیرہ جنوبی چین میں امن اور استحکام کو برقرار رکھنا ہے۔