سائبر کرائمز نے جنسی ہراسانی ،بلیک میلنگ میں ملوث ملزمان کو گرفتار کرلیا

جمعرات 10 اکتوبر 2024 21:25

کوئٹہ(اُردو پوائنٹ اخبارتازہ ترین - این این آئی۔ 10 اکتوبر2024ء) سائبر کرائمز نے جنسی ہراسانی اور بلیک میلنگ میں ملوث ملزمان کو گرفتار کرلیا۔ ترجمان ایف آئی اے کے مطابق ایف آئی اے سائبر کرائم سرکل کوئٹہ نے سوشل میڈیا کے ذریعے خاتون شہری کو ہراساں اور بلیک میل کرنے میں ملوث ملزم کو کوئٹہ کے علاقے سیٹلائٹ ٹاون میں چھاپہ مار کر گرفتارکرکے اسکے قبضے سے موبائل فون بھی ضبط کرلیا گیا ہے ضبط شدہ فون سے مذکورہ سوشل میڈیا اکاونٹس اور دیگر شواہد بھی ملے ہیں ۔

(جاری ہے)

ترجمان نے بتایاکہ ملزم متاثرہ خاتون کے نام پر جعلی فیس بک اکاؤنٹس بنا کر قابلِ اعتراض تصاویر اور ویڈیوز شئیر کرنے میں ملوث پایا گیا ہے ملزم ان اکاؤنٹس کے ذریعے متاثرہ خاتون اور اس کے گھر والوں کو بلیک میل کرنے میں ملوث تھا ملزم کو گرفتار کر کے تفتیش کا آغاز کر دیا گیا ہے۔