فائرفاکس برائوزراستعمال کرنے والے ہوشیار، بڑی بربادی آپ کی منتظر

نقصان سے بچنے کے لیے تمام یوزرز کو اپنے اپنے برائوزر اور ایپس اپ ڈیٹ کرنے کا مشورہ دیدیاگیا

جمعہ 11 اکتوبر 2024 13:39

فائرفاکس برائوزراستعمال کرنے والے ہوشیار، بڑی بربادی آپ کی منتظر

نئی دہلی (اُردو پوائنٹ اخبارتازہ ترین - این این آئی۔ 11 اکتوبر2024ء) دی انڈین کمپیوٹر ایمرجنسی ریسپانس ٹیم نے خبردار کیا ہے کہ موزیلا فائر فاکس برازر استعمال کرنے والوں کے ڈیوائسز کی سیکیورٹی کو خطرات لاحق ہوسکتے ہیں۔ ان کے سسٹم زیادہ ہدف پذیر ہیں۔میڈیارپورٹس کے مطابق حکومت نے موزیلا فائر فاکس استعمال کرنے والوں کو مشورہ دیا ہے کہ نئی خامیوں سے پیدا ہونے والے خطرات کا سامنا کرنے کے لیے اپنے برازر اپ ڈیٹ کرلیں۔

سرٹ اِن نے موزیلا فائر فاکس سے متعلق جو انتباہ جاری کیا ہے وہ موبائل اور ویب دونوں ہی کے یوزرز کے لیے ہے۔ سسٹمز کو محفوظ رکھنے کے لیے مشورہ دیا گیا ہے کہ فوری طور پر اپنے ویب برازر کو اپ ڈیٹ کرلیں۔ہدف پذیری سے متعلق جاری کیا جانے والا انتباہ فائر فاکس، فائر فاکس ای ایس آر اور تھنڈر بِڈ کے لیے ہے۔

(جاری ہے)

سیکیورٹی نوٹ میں کہا گیا ہے کہ موزیلا کے برازر میں پائی جانے والی ہدف پذیری سیکیورٹی کے حوالے سے اہم مسائل پیدا کر رہی ہے۔

ان خامیوں سے فائدہ اٹھاکر ہیکرز اپنی مرضی کے فوائد حاصل کرسکتے ہیں۔یہ کمزوریاں اور خامیاں موبائل فون اور پرسنل کمپیوٹرز میں استعمال ہونے والی موزیلا پراڈکٹس کو متاثر کرسکتی ہیں۔ جن پراڈکٹس کو زیادہ خطرات لاحق ہیں ان میں موزیلا فائر فاکس کے 131 سے پہلے کے ورژن، موزیلا فائر فاکس ای ایس آر کے 128.3 اور 115.16 سے پہلے کے ورژن اور موزیلا تھنڈر بِڈ کے 128.3 اور 131 سے پہلے کے ورژن شامل ہیں۔