اسلام آبادکے قومی اسمبلی کے حلقہ این اے 47کی انتخابی معرکہ جیتنے بارے معاملہ پھرلٹک گیا

جمعرات 19 دسمبر 2024 22:30

اسلام آباد(اُردو پوائنٹ اخبارتازہ ترین - آن لائن۔ 19 دسمبر2024ء)اسلام آبادکے قومی اسمبلی کے حلقہ این اے 47کی انتخابی معرکہ جیتنے بارے معاملہ پھرلٹک گیا اسلام آباد ہائی کورٹ نے اسلام آباد سے پی ٹی آئی کے امیدوار شعیب شاہین کی درخواست پر اسلام آباد الیکشن ٹریبیونل سے متعلق حکم امتناع جاری کردیا ہے اور ان کی الیکشن پٹیشن کی حد تک ٹریبیونل کو کاروائی سے روک دیا۔

فریقین کونوٹس جاری کرتے ہوئے ان سے جواب بھی طلب کیاہے۔این اے 47 سے طارق فضل چوہدری ایم این اے بنے، ان کی کامیابی کو شعیب شاہین نے چیلنج کر رکھا ہے ، اس حکم کے بعد الیکشن ٹریبیونل باقی 2 حلقوں سے متعلق کارروائی کو آگے بڑھا سکے گا۔الیکشن ٹریبیونل نے اسلام آباد کے تینوں حلقوں سے متعلق کیس 24 دسمبر کے لئے مقرر کر رکھا ہے۔

(جاری ہے)

اسلام آباد الیکشن ٹریبیونل سے متعلق پی ٹی آئی کے امیدوار شعیب شاہین کی درخواست پر جمعرات کوچیف جسٹس اسلام آباد ہائی کورٹ عامر فاروق نے سماعت کی۔

سماعت کے بعد عدلت عالیہ نے پی ٹی آئی کے امیدوار شعیب شاہین کی درخواست پر حکم امتناع جاری کیا اور ان کی الیکشن پٹیشن کی حد تک ٹریبیونل کو کارروائی سے روکتے ہوئے فریقین کو نوٹس جاری کرکے جواب طلب کرلیا۔اسلام آباد الیکشن ٹریبیونل سے متعلق اسلام آباد ہائی کورٹ نے پی ٹی آئی کے امیدوار شعیب شاہین کی درخواست پر حکم امتناع جاری کردیا۔شعیب شاہین نے نئے الیکشن ٹربیونل کی تعیناتی ہو چیلنج کررکھا ہے۔ شعیب شاہین نے الیکشن کمیشن کے فیصلے کیخلاف اسلام آباد ہائیکورٹ سے رجوع کیا تھا۔